Oman Riantuan Kalmi Hna cu Nikhatah Suimilam 22 Chung Rian An Tuan

Home

Oman,  Dubai tbk ram ah a kalmi hna hi nikhat suimilam 24hrs chungah suimilam 22hrs chung bak riantuan asi. Nikhat chunzan in suimilam 2 chungte lawng dinh caan pek asi. Cu lawng si lo, zeitik hmanh ah off day a um lo. Cutluk in rian an tuan ko nain an hmuhmi thlahlawh hi an ram phaisa in 110,120 lawng asi. Nikhat suimilam 22 chungah Oman,Dubai, Iraq phaisa in fang 4 lawng an hlawh tinak asi.

Apoinak bik pakhat cu sal riantuantu hna hi an tuannak hmun address cu Agent pawl nih an thei hna lo. Mah kongah Agent Pi Sung Iang nih achimmi cu, Nan fale an thawngpang nan theih ti hna lo, nan chawnh khawh ti hna lo ahcun agent nan kan chimh lai tiah a ti. Inn ngeitu tha lo nih WIFI phih piak, phone chuh tong sual hna sehlaw pehtlaih khawh an si ti hnga lo, mah bantuk vialte kha Agent nih tuanvo kan la kho lo. Aruang cu address kan thei ti hna lo tiah Agent nih fiang tein achim chih. LCT