Nurse Nungak Cu Tlangval  Pathum nih An Tlaihhrem

Home

India ram hi vawleicung nu tlaihhrem a tambiknak ram ah aa telmi asi. Nizan ah sii sayamah nurse nungak 20, cu tlangval pathum nih an tlaihhrem. Zeitindah pa pathum nih an tlaihhrem ti ahcun, amah nungak nu hi Vellor sizung ah interview tuah ding in a kalmi asi. Vellore kal ding in a hawile nu pahnih an um ve. Nain nungak nu hi amah theih hngalhmi pa nih Vellore kal lai ah zanriah ei tti ding in a sawm. Theih hngalhmi asi caah nungak  nih hin OK tiin ahawile nu pahnih cu, ka kaltak rih  ulaw, a hnu deuh ah motor in ka ra lai tiah a ti hna.

 

Nungaknu cu a hawipa sinah zanriah nuam tein ei ding in a kal. An kal tlawmpal ah lam ah tlangval pahnih cu motor ah an cuang ve. Cu tlawmpal ah motor chungah tlangval pawl nih cun nungaknu cu zu din an hnek cang. Khuachung in 10km aa hlannak ramlak ah an kal pi I, cuka hmun ahcun an tlaihhrem.

An tlaihhrem hnu ah an kaltak. Nungak cu amah tein khuachung lei a ra kir I,  midang bawmh hal in inn a phan. Inn a phanh in amah le mah ithah aa tim. Thil sining a nu le pa nih an hlat tikah vawleicung nun ka duh ti lo tiin a tonmi thil vialte achimh hna. Cu cang kain palek sinah report an tuah colh. A rannak in hlathlainak palek nih an tuah hnu ah atlaihhremtu tlangval pathum cu an tlaih hna tiah report nih alanghter.