NUG President hi A Raltha Bak, Uar A Um Chin Lengmang

Home

NUG President Duwa Lashi La Nih Hmaikal PDF Sakhaan Hmun Pakhat ah Zohfel nak le Thazaang Pek Biachim Nak A Ngeih Hna- National Unity Government Temporary (NUG) President Duwa Lashi La nih raldoh hmaikal PDF umnak sakhaan pakhat cu May. 24 ah a zohfel ii thazaang pek biachim nak le a dangdang thil tampi zohfel nak a tuah tiah theih a si.

NUG president nih ”PDF pawl cu rampi caah le rammi caah bohchan tlak pasal an si nak kong, rampi nih federal Democracy hmuhnak ding caah PDF an biapit ningcang, Mipi le PDF pawl cu tthen awk tthalo ti le nga bang hmunkhat ttangtti ding le cawng tti ding an sinak kong, kan i hmaithlak mi hi fimthiam nak, zuamnak le raltthat nak he hmai kalding le a dangdang thil tampi biacah nak, forhfial nak le thazaang peknak a ngeih hna.

Cun President nih PDF pawl an chambau mi le an herhmi thil hna zong zohfel nak a tuahchih hnu ah a herh ningin bawmhnak a pek hna. Cun, NUG president nih PDF raldoh training an tuahning cang a zohfel hnu ah an mah PDF ralkap pawl nih upat peknak an tuah hnu ah, sakhaan in a kir tthan tiah theih a si.

NAWLNAK – CDF tih ruang ah sianginn ka kai ngam lo’ timi tuanbia thar a um nak hnga lo. Atu sianginn vialte khi nang le kei kan rak kai nak kha asi ko, MAH nih a thar in a sakmi asi lo. Cachimhtu zong MAH nih rian a pekmi an si lo. Cawn dingmi ca zong MAH nih a ser thar a um lo, NLD chan i an rak cawn ciomi lawngte a si ko.

Tukum ah kan nau/fa le sianginn an kai than khawh lo ahcun an vaivuan dih lai i kan miphun caah sunghnak fak bik kan ton a si te hnga. Mino sianginn kai lo nih kan miphun caah sunghnak a chuahpi ding a tam tuk. Dohthlennak a tuahtu kan unau zong nih kan ral taktak a simi uico ralkap tu khi biatak tein kan doh piak ko u, kan ral a si lomi sianginn kai khi cu kan doh piak hram hlah u tiah kan nawl ko hna. Fimcawnnak hna nan doh tuk ahcun kan miphun harnak nan pek bantuk a si kho.

‘CDF kan tih ruang ah sianginn kan rak kai ngam lo, kan future a tlau’ tiah Lai mino tampi nih hmailei an chim te ding khi tihnung ngai a si. Kawlrawn ah nikum thawk in sianginn an kai than dih ngawt cang. Laitlang hmanh ah peng dang cu nikum thawk in an rak kai pah dih cang; Thantlang, Hakha, Kanpalet le Mindat lawng khi an rak kai lonak peng an si. Sianginn kai hi cu a duhmi poah nih zalawng tein kai ko cang hna seh, forh zong an hau lo bantuk in thlauh le tlerh awk zong an si bak lo tiah ka ruah. LTT