Nizan lei ah Chin Pasaltha Hi Vialte An Thih hi Dalan Ruangah Arak Si

Home

Sagaing Ramthen chung PDF le SAC ralhrang kar kahnak ah mipi ralkap nunnak liam a tam kho.
Sagaing Ramthen, Yinma Peng, Yinpawngtan khua pawng ah August 11 ahkhan PDF mipi ralkap hna le SAC ralhrang kar ah kahdohnak a chuak i mipi ralkap lei in nunnak a liam mi le hriamnam an sungh mi a tam kho tiah theih a si.

PDF mipi ralkap hna hi Yinpawngtan khua an i dinh lio ah ngaihthlem le erhkhumh in an kah mi hna a si tiah kan theih. Hi kong he pehtlai in, “Nunnak a liam ti kan chimmi zong hi a fiang mi a si rih lo. Kanmah kan zumhnak a si. Minung a tam deuh hi cu kan tling. Yinpawngtan timi khua kan phak ah kan i din. Kan i dinhnak pawng ahhin Dalan a rak um. Dalan nih thawng a thanh hna i an kan kulh. Vanlawng pali le ralhrang thazaang tampi in an kan kulh. Nihin tiang minung cu kan tling rih lo,” tiah min langhter duh lo pakhat nih CCN ah a chim.

Atu bantuk in Dalan report pek ruang ah kah a tongmi PDF ralkap hna chung in nunnak a liammi zat hi khuachung luh ngam a si rih lo ca ah fiang in kan thei kho rih lo. Cun, “Nizaan ahkhan raltuknak vanlawi pali in an kan kah. Yinpawngtan khua chung i PDF ralkap um lio ah an kah. Kanmah nih kan theih ning ahcun Chinland ralkap chung in 7 an nunnak a liam. A dik le dik lo cu kan fiang ve rih lo. Chinland ralkap hi minung 80 hrawng an si i 60 hi cu an tling cang

. A dang a taang mi bel nihin tiang an thawng kan thei kho rih lo,” tiah Myanmar National Armed Force – MNAF ralbawizik pakhat nih Myalat Aathan Media ah a chim. Atu bantuk in kan ralkap ngaihthlem in a kaptu hna hi Monywa hrambunh ralhrang an si i suimilaam pathum chung fai an kah hna. Kanmah Chinland ralkap lei in kan sungh mi hriamnam a tam tiah theih a si. CCN updated