Nihin ah Ralhrang Pawl cu Hakha Khuachung An Lut Cang

Home

Kalay in Motor 28 in arami ralhrang cu Falam le Hakha karah mipi kan ralkap nih zarhkhat renglo an kham hna hnu ah nihin ah Hakha khuapi chung an lut kho cang tiah theih asi. Falam le Hakha kar ah ralhrang a thimi hi an tam ngaingai, a tlawmbik 50 cu an si lai zumh asi. Cu pinah ralhrang motor 4 an hrawh piak chap hna.

Mipi ralkap in minung 1 nunnak a liam i, hliamtuarmi zeimawzat an um ve. Kan ralkap hna nih an thazaang dih umnak chuah in an kham tuk ko hna nain, ralhrang he hriamnam aa thlau tuk tikah le milu an ithlau tuk tikah ralhrang zeimawzat cu nihin ah Hakha an lut. Falam le Hakha kar ah Tlangzar, Ramthlo, Dokthek le Chuncung khua hna cu ralhrang nih tampi inn an khangh piak hna.

Ralhrang hna hi Timit hlei remh dingin a rakai mi an si tiah tuan ah Zalen nih a rak chim cang. Mah ralhrang motor lakah 4 hi Timit hlei remhnak ding thilri phortu asi tiah an rak ti. Tutan ah Hakha an lut ko nain Timit hlei cu an remh te lai maw ti hi ruah lo awk atha ti lo.