Myanmar’Sexy Model Lulu Aung an Tlaih Ve Cang, Sual An Puhnak Case An Langhter Colh

Home

Myanmar’sexy model tiah kawh mi Lulu Aung nunnak a him ti lo. Model Thinzar Wint Kyaw an tlaih hnu ah Lulu Aung zong an tlaih  than ve cang. Ralhrang nih an timi cu, sexy hmanthlak le video hna cu social networks ah phaisa kawlnak ah heh na thlah hna. Hibantuk hmanthlak le video hna hi kan miphun nunphung le ziaza a hrawh dih. Nunphung zei ah na rel lo caah fak piin dantat na si lai tiah an ti. Lulu Aung bantuk in Thinzar te pahnih kha sual an puh rih hna,

 

Thin Zar Wint Kyaw le Nang Mwe San cu zaangfak ngai an si. Atu hi MAH ralhrang nih muidawh pahnih hna cu phungning tein tazacuai an si lai tiah MRTV in an chim. Mah hna pahnih hi zeiruang ah dah tazacuai an si lai ti ahcun, Kawl miphun nunphung le nunzia kalh in an cawlcang. Cu cu kan nunphung nih a duh lomi hna cu Thin Zar Wint Kyaw le Nang Mwe San nih social networks ah hurduhcuainak hmanthlak le video tampi an thlah.

Hi hi nih hin kan nunphung le nunzia a hnursuang tiah an ti. Nang Mwe San hi a liamcia Mah ah khan an rak tlaih I, cu hnu poh cu mibu cawlcanghnak le social media ah a lang ti lo. Cu ve bantuk in Thin Zar Wint Kyaw zong July thla ah ralhrang nih an rak tlaih I, cu hnu pin pohpoh cu social platform ah a cawlcang ti lo.

Zeihmanh an tuah ti lo nain, a tu cu phungning tein tazacuai an si lai tiah an ti. Hi hi aliamcia thil an tuah cangmi kongah si dawh a si. Sualpuhnak hi article 33 (A) in asi caah rianhrang tuanter in kum 7 thongtlak khawhnak asi. Uico rual hna hi phaisa duh ah muidawh pahnih hna hi tazacuai an timh hna asi ko.