Mizoram Taxi Driver Dinfelnak le Zumhtlak Asinak

Home

Nizan ah Ramthar North I Taxi mawngtu Pu Siamtea nih aphurhmi passenger hna nih taxi chungah an thloh mi India Rs 400000 cu nihin March 16 ah a pek than hna. Pu Siamtea nih aphurhmi hna nih motor chungah an phaisa Rs 400000 an thlak hi an thei lo. Taxi in an tum hnu pi ah phaisa an bag chung ah a um ti lo an theih.

Cu tlawmpal ah palek sinah an kal I, palek zong nih zeibantuk motor dah an hmanmi asi ti an theih lo tik le Taxi in an tumnak ah CCTV a um lo caah zeihmanh bawmhchan khawhnak an nei hna lo. Phaisa thlau tu hna cu lungdong in an um I, Media in thawngthanhnak an tuah. Ruahlo piin tuzing suimilam 7am ah Taxi driver Siamtea nih tangka thlautu hna cu phone in a rak chonh hna. Phaisa nan thlau mi kha keimah nih tha tein kan fim piak ko hna, nan lungrethei hlah uh tiah ati hna I phaisa Rs 400000 cu a ning tein a pek hna tiah report nih alanghter.

Pu Siamtea hi mi inn hlan in a nupi le fa a zohkhenhtu a si I, chungkhar khuasa kho an si hrimhrim lo. Phaisa hi peklo zongah zeiti hmanh in palek zong nih an thei lo ding asi ko nain, thil thalo tuah a duhlomi mifel asi tiah report nih alanghter chih. Zumhtlak sinak hi zeidang thil nakin a sunglawi, Phaisa maw na duh Minthat tiah an in hal ahcun Minthat vaa thim deuh tiah Pathian bia ah kan hmuh mi asi. Respect Mifel zumhtlak Pu Siamtea