Mizoram Ngakchiate 5 An Konglam

Home

Ngakchia  2 Vawlei  nih Acimh Hnawh Hna, Pakhat An Chanh Manh. Nizan ah ngachia minung 5 (1.Lalnunkima K-13 .Lalrokima K- 10, Lalhlimpuia K – 8. Vanlalruata K- 8 , Johny K-8) hna cu  Thinghlun khua pawng Lushaichera  tiva ah ngatlaih dingin an kal, Ruah a sur tuk caah ngazuatnak dil pawng ah an I dor. Mah an idornak hi ngazuatnak dil an rak cawh lio i vawlei an laknak a kuami ah asi.

Cubantuk in vawlei kua ah an idor lio ahcun anmah ngakchia lakah a kal vemi  Vanlalruata anu lo kal  nih a hmuh hna I, ngakchia cu inn lei ah tlun a fial hna. Valnlalruata leh a hawile  2 cu inn lei tlun an I thawh colh ve. Ngakchia 2 belte cu duhsah deuh khin an I tim. Cu tlawmpal ah an idornak vawlei nih cunglei in a cimh hnawh hna. Vanlalruata le a hawile nih vawlei acimh thawng an theih I an vun zoh cu an hawile 2 cu vawlei nih a chilh cang hna. Lalnunkima cu vawlei nih achilh dih lo, a ke parte a lang.

Ahawile nih vawlei vawr cu an thai piak lennak in leimin cu duhsah tein a um peng caah an tuah kho lo. Arannak in ngaikchia cu inn ah an tli I, Lalrokima  nih apa Pu Vanlalrila cu a chimh. A rannak in upa nih an zuan hnawh hna I, ngakchia a ke te lawng a langmi cu a rannak in vawlei an cawh piak zawkzawk I a hnu pi ah a thaw a la than kho. Ngakchia pakhat  Lalromawia,12, belte cu vawlei nih achilh dih I a ruak an la kho rih lo tiah MSR nih alanghter.