Mizoram ah Khuaruahhar In Zu An Tam, Thlai Vialte An Ei Dih Cang

Home

Copy paste- TUNLAIIN MIZORAM HMUN HRANG HRANGAH SAZU A PUANG, THINGTAM LO THLENG TUR SEHSAMAH NGAI 20.9.2022 (MSR) : Tunlaiin Mizoram hmun hrang hrangah sazu a puang a, Lo tam taka buh seng mai theih turte, a ei chhe nasa hle a; sazu puan chhan hi kum 2024-a, Thring tam lo thleng tur sehsamah mi thenkhat chuan an ngai.

Agriculture Director Pu James Lalsiamliana chuan, tunlai hian Mizoram chhung hmun hrang hrangah sazu a puang tih a sawi a, thlawhma a buh te an ei chhe nasa hle tih a sawi a, department-in report an dawn tawh chinah chuan Lunglei leh Mamit district chhungah sazu a puang nasa a, Lunglei district chhunga Lunglei Agriculture block chhung, khaw 8, Lungsen block chhung khaw 3 leh Bunghmun block chhunga khaw 16-a thlawhmaahte sazu puangin, Mamit district chhunga West phaileng block chhung khaw 6-ah sazu hi a puang bawk a, heng khaw 33-a sazuin thlawhhma an khawih chhiat ram zauh zawng chu hectare 295.6 a nih thu a sawi.

Pu James Lalsiamliana chuan report an dawn leh department mi leh sa te’n an finfiah tawh chinah West Phaileng block chhunga Tuirum khua chu sazuin buh a ei chhiat tamna a nih thu sawiin, he khua a chhungkaw 7-te thlawhma hectare 2-a zaua buh an chin chu sazu hian a seh zo vek a, Lunglei district chhung Mualthuam North khua-ah pawh chhungkaw pakhat buh thar tur chu, sazu-in a eizo vek nia report an dawn thu a sawi.

Agriculture Director chuan, tunhnaia sazu a puan chiam chhan chu kum 2025-a Rawthing a tam dawn vang nia an ngaih thu leh mau a tam tak tak hmain sazu a lo puang lawk thin tih a sawi a. Tun dinhmuna Sazu an suat dan ber chu tur hmanga suat an ni a, Sazuin a beih, loneitute hnenah sazu Tur an pek bakah Tur hman dante pawh an zirtir tih a sawi. Thlawhhma thlo fai tha te aiin thlo hneh lo deuh, vau leh an thlawhhma inkar thlo fai tha lo deuhte Lo chu sazu hian a seh nasa zual ni a report an dawn thu Pu James-a hian a sawi bawk a ni.