Mipi Ralkap Minung 11 Nunnak A Liam

Home

July 4, kahdohna cu a fak ngai ngai. KA,KNDF, le PHekone PDF i bawm in ralhrang sakhan an kahnak ah mipi hriamtlai minung 11 nunnak a liam tiah KNDF nih an chim. Tangrual phu nih ralhrang sakhan hi an lak dengmang cang i lio ah ralhrang nih hriamnam ngan biatak tein an hman ruangah sakhan an la kho than lo. Nain ralhrang lei a thimi hi minung 40 hrawng an si tiah theih asi.

Thantlang Khua Nupa Namneh Cu Chinmi Singkhaw Asi.-Thantlang Khua Nupa Cu An Tlaihhrem hna i Thantlang Sersiam Ṭhan Awk Ah Bia An Ruah Hna Cu; Chinmi Nan Ngamh Maw I That Dih Hna Usih Tiah Singkhaw Asi. Meeting an sawmnak a ruang zong an chimh ta hna lo. Khua Nupa hna zeirello lawng asilo, Chinmi an kan zawmtaih mi le thlang lamh nak asi. Thantlang peng hrim kha zei te hmanh nan si lo, nan duh le rat uh, kan zemlo sa tiang I can dih usih tiah Rallokap nih an kan zuamcawh i an kan singkhaw mi asi. Thantlang Khua Nupa lawng in an i za ti lo. Hakha Pastorte an i rawi rih hna.

Thantlang Khua Nupa nih Meeting an kan sawmnak a ruang kan hngalh lo tiah an Silhnalh len nain, Meeting kai ah senthuh in, hlawh an hmuh mi cu an cohlan. An tirawl an din ei. Senthuhnak loin Chin Pine zung ah Meeting kai khawh asi lo. Biachahnak vialte kan hnatla in kan lungtlin tinak ah nan senthuh mi nih a fek ter lai. Meeting he aa pehtlaih in Ralhrang cawlcanghnak le thanhca vialte caah, nan senthuh mi nih Lai a rel ve. Upa lungfim nan si caah, “Ṭuanvo khan hmu: “Responsibility & Accountability” “Ṭuanvo laknak” ah Thantlang nupa nih 100% ṭuanvo kan ngeih ti zong nan hngalh a herh. Akonglam kan hngalh lo tiah silhnalh in adih ding mi thil asi lo.

Chin Miphun Pi thihnak le nunnak he aa pehtlaih mi le thihnak le nunnak ri ah a um mi thil he aa pehtlaih mi asi. Rian nan ngeih ko lai nain (Responsibility): (Accountability) ṭuanvo kan lak khawh lai lo nan ti ahcun: Meeting nan kai awk asi lo. Asilo ahcun: Thantlang Khua Nupa sinak in nanmah tein nan I din a herh. Cucu Social Media ah Statement nan thanh lai.

Thantlang Khua kan sersiam ṭhan lai (An sersiam khawh ballo ding mi asi tiah hngalh buin) thanthling an i liak ter hna i, Thantlang khua ah mi cheu an kir kha siorawl ah hmang in: Thantlang peng kha man cikcek in den an duh kha nan hngalh khawh ti lo. Thantlang Khuapi nakin, Thantlang peng kha fak deuh in den dih an duh kha an chunmang asi. A hnu bik ah CDF / CNA cihmih kha an Strategic Plan asi. An duh bik mi asi. Chinram uk khawh awk ah Thantlang peng hi a biapibik asi kha Vawleipi nih hngalhmi asi.

Thantlang khua Nupa le Ralhrang Rallokap meeting biachahmi hlawhtlin ter awk ah: Kalay Myo in Rallokap Motor 28 an thlah colh. Hriamtling le thilri he an si. Kalay Rallokap an kai poah ah Chin Mino hna tampi an pamh tawn kha nan hngalh cio ko ṭung. Nan meeting adih ni tlawmpal ah nan fanau kan thih colh I kan I hliam colh ko. Nunnak pek awk ah a ra lo mi, an sin ah nunnak le ṭhanchonak pelte hmanh; aum bak lo mi Rallokap ti nan hngalh ko buin, thil nan tuah mi asiko lo maw?

Hmai lei caan ah nan fanau nunnak pazeizat dah an kan lak ṭhan rih te lai? Ruah ah tuk asum hrin hran dakaw, Khua Nupa hna. Khua Nupa le SAC, Hakha biachah ning tein Timit hlei an remh lai a ti na, Congthia lei a kal mi Tida Hlei an remh lai a ti na. Hi hlei pahnih an remh duhnak chan hi Thantlang peng siṭhat nak le thihloh lo nak caah asi lai maw? Hlei remh nan duh ahcun: Siatlai le Aika kar hlei ting 6000 man kha nan remh dueh awk asi.

Thantlang Peng, Matupi peng nih Tirawl kan I zalhnak asi. Tender tama an fello ruangah; Acan tlin hlan ah: a rawk dih cang. Fur ah tirawl zalhnak kan ngeih ti lo. Kalay-Gangaw-Mandalay-Rangoon in Siatlai hlei in, Matupi le Thantlang peng an kan cawm tu hlei asi. Siatlai Hlei hmanh remh lo ah: Timit hlei kan remh lai, aum rih lomi Tida hlei kan donh lai ti cu: Thantlang peng le minung zawnruah asi lo. CDF an ṭhawn bik nak Thantlang peng kha hi hnu thla (6) uk an duh caah asi.

Hlei donh awk ah a zulh mi Hakha um hna cu: NLD Tender tama hna pahnih an si. Kan NLD teinak hmuh awk ah an chuahchung mi an phaisa an hmuh man lo caah, Rallokap tender hi an bawh mi asi. Kei zong ka sung dih ve ko ṭung. NLD cio cio ah kan I lawh lo hi mu. CDF an ṭih hna caah, Thantlang Khua Nupa in CDF cu an tlaih hrem hna. A thli tein an ṭuanmi Tender 5-6 asi cang. An holh tam ahcun kan phuang law law te hna lai. Sen hihiar le nakduk cang rawh seh, mi neng nan thlak tuk rawh.

Kan khuaram ah Raldohnak aum hi Rallokap an ra caah asi. Thantlang khualipi an remh ṭhan ahcun: Rallokap relcawklo an ra nolh lai, Raldohnak let 100 in afak deuh lai. Khua Nupa hna fanau nunnak le thisen a liam lai I aluang dih mi khi tuak ngam hmanh asi lo Nu le Pa hna. Timit hlei le Tida hlei nan donh khawh bakin Thantlang pengah Rallokap cu hngerhte an hluan cang lai. Hlei donh hram nan I thawk in, Rallokap zalon ngai in an kan LAL hnawh lai. Hlei donh nan lim bakin, Thantlang peng ah; raldohnak thilri vialte a kuat viar cang lai. Cuticun, Thantlang peng ah Raldohnak a fak tuk te lai. Karenni kan hluan lai, Karenni nakin raldohnak a fak deuh khawh.

Baibol um Harmegadon ral kan hluan ve lai. Tamu ah Piosawṭhi nih India mi pahnih an thah. India nih phih sehlaw, Mipi khoika dah an zam ti lai. Khua Nupa meeting he MAH nih twan ding ah atuah ter mi hna a lawh ngai. Rang Chak tiang in Thisen a luang khawh mi asi. Thantlang peng an lak khawh ahcun: CHINRAM cu fawi tein an lak cang tinak asi. CNF an um ti lo kho men.

Khumzual tu CHIN rallkapbu kan ngeih tilo ahcun: Zungzal kawl sal kan si cang. Kawlram ahcun: Rallokap uknak hi a dih khawh men lai lo. Nain Federal kan ngah ahcun: CHINRAM ahcun: Rallokap uknak adih lai, Kawlte Civil Luban Anaasin uknak zong a thih ve lai. Cu caah Thantlang khua Nupa le Hakha NLD Tender tama rual hi zei kan tuah ti an hngalh hrim hrim lo kan ti nak cu a si fam cu. Anmah Khua Nupa le Pastorte zeirello le soisel asi hrim lo dakaw. Tender tama zong nan Hakkau tuk deuh. Chin Miphun pi thihnak le nunnak asi mi Meeting dakaw, a ruang hngalh loin kan kai nan ti mi nih mi thinphang nan zual ter tuk. Kapa zei kan tuah ti an I hngalh lo, an sual nak ngaithiam ko hna ti lawng CHINMI nan fanau thlacam nak asi.

Karen ah KNU le Uico rual Raldohnak afak ngai ngai. Karen ram um AA Sakhan cu KNU ah an ruah I Rallokap nih Vanlawng in Bomb voihnih kah. AA 6 an thi. AA Khai Thukka nih Rallokap cu a singkhaw colh hna. WWI aa thawk nak cu Sarajevo ah, Serbia Tupung rual nih: Austria Prince le a Innchung nu an thah ruangah asi. Thantlang kan fanau tampi thisen le nunnak telin, CHINMI kan fanau tampi a thah tu, Ralhrang Rallokap he hmunkhat ah tho in, Meeting tuah in bia I ruah khawh ngai hi cu: tuk asum I, thling a kik ko dakaw: Kan fanau hna thisen hmanh an ro hlan ah Tender duh ruang ah Khua Nupa le Ralhrang a tawn ter mi Tender Tama rual hakkau ning hi; Baibol um Zakia le ngunkhuai khawlh tu hna nakin an zual deuh. Hakkau cu Siasal biak asi timi Pathian bia a tling kan ti lai. Cucaah Jesuh nih Mirum hna Vancung pennak lut nak cha cun, Kalauk ṭhim kua lut afawi deuh ati nak asi lai.

Thantlang peng le CHIN ram ah Rallokap an khat ahcun: Harmegadon ral cu a ra teng teng. Rallokap an um lawng ah: Rallokap nih an kal hnawh hna ruang lawng ah: Raldohnak aum ti cu nan hngalh cia mi asi. ZRA le MDF nih Rallokap an bawmh rih lai, an bawmh lo hmanh ah an kah lai lo, Matupi CDF caah MDF nih Lailenpi Rallokap an zuah hna lai I an thau ter lai.

MDF nih Mara ram ah Rallokap cu zalon tein um kal nak nawl an pek cang hna, an pek rih hna lai. Lailenpi Rallokap hna khi cu Hlen in nan thih dih sual lai tiah anmah tein ṭhial ter ding asi nain, Mara nih cun nan hlen khawh ko hna lai dakaw, Hlen le zertiam ahcun Mara hi CHIN ah pakhat nak an si Bantukin, Biachimh holh rel cu ca in ṭial piak cia mi achimh mi ko khi an lawh ko, An ti ngamsam. Mara ram ah Rallokap he kan I kap lailo tiah hnatlak nak lak loin, Mara ram ah Rallokap um lo ding in nan hlen hna awk tu asi deuh. Rallokap um lo ahcun; Raldoh aum ve lo caah, Khua Nupa, Pastorte le Tender tama hna meeting cu CHINRAM le Thantlang peng ah Rallokap tampi in ra ko uh ti nak asi caah: Raldohnak a chuah pi tu: Thihnak a chuah pi tu; tbk nan si tiah kan in mawtchiat mi hna cu asi. Hramhram nanmah remh lo soisel le rolung bunh asi hrim lo.

CHIN Greek Mifim KANPA ngeihchun Steven Van Bik nih CHINMI lawng nih thlachiat ruatnak hi kan ngeih ati bang in CHIN mi cu mah le mah kan I ti bal lailo. Athah a nawng kong cu ceih hlah. Khua Nupa, Pastorte le Tender tama hna an I tawn ruangah hlan lio nak in Preparation timhlamh nak fak deuh in kan ngeih a herh tinak asi. Hriamnam tam deuh le tling dueh in kan I zalh a herh tinak asi. Ramdang um CHIN GOOD SMARITANS rual zong nih tampi in nan kan pekchan rih a herh lai tinak asi.

Ramchung mi rum hna zong CNA / CDF cu tampi kan bawmh cang uh tinak asi. Khua Nupa le Tender tama an I chuak sual cang I, thihloh le sung zatlak nak atlawm deuh khawh nak hnga, timhlamh nak Special ngeih in um cio ding ah kan sawm hna. Phaisa le Thazang let hnih in a heu deuh lai tinak asi ko. Chin mi an I ṭhen cheu lai I an thazang a der lai, cuticun tei an fawi lai timi MAH duhnak tlin ter ti hlah usih. Khua Nupa le CDF karlak ah remhlo nak thlaici an tuh cang. Hmai lei ah thlaici ṭhalo tampi an tuh lai I an cin rih lai.

Khua Nupa le Pastorte zong sual phawt nak in nan luat nak hnga, CNA / CDF nih teinak an hmuh tuan nak hnga thlacam le rawl ulh in ṭang lak cang rawh uh. Vawleipi Dohthlennak tuanbia kan zoh tikah, Tuukhal le Pastorte nih Biatak tein an tel pi hna ahcun: Ral an tei, an hlawhtlin tuan tawn caah, Dohthlennak ah: Pastorte kan in hnuk zungzal hna hi asi. Martin Luther King Jr le Nelson Mandella Dohthlennak a hlawh tlin nak cu, Pastorte ansi, Pastorte le Phungki nih an tel pi hna. Dohthlennak ah luhlimh in I teltum naa har ahcun: Rallokap he I kawmh ti hlah, an sin ah to in ṭhu ve ti hlah, Mi ṭhalo hna khuakhan nak ah I tel ve ti hlah. Pathian le Dohthlennak aa ṭhen lo nak hnga, Pastorte I tel ve uh kan ti nak cu asi. Na ralṭha lo ahcun: Thlacamnak le Rawl ulh nak in tampi nan kan bawmh khawh I nan kan chanchuah khawh mi asi. ZTC