Minung 22 Phurtu Vanlawng Konglam Theih Asi Cang

Home

Tara Air’s 9 NAET twin-engine cu Pokhara airport in aa thawh tlawmpal ah pehtlaih khawh a si ti lo. Tuzing ah Nepal Army spokesperson Narayan Silwal nih achim ning ahcun, vanlawng umnak theih asi cang. Tara Air 9 NAET hi Kowang village pawng Lamche tiva hnar lei, Manapathi Himal leimin nak tang ah a tla. Atu hi ralkap nih cuka hmun cu panh in an kal cang tiah achim.

Vanlawng nih hin minung 22 a phurh hna. Minung 22 chungah India 4, Japanese 3 an I tel hna. Vanlawng hi zingka suimilam 9:55am ah Pokhara in Jomsom le aa thawh mi asi I Mustang I Lete area hrawng a phanh hnu in pehtlaihnak tuah khawh asi ti lo tiah Airport nawlngeitu nih an chim. Achung ah minung 22 hi nungdam in an um lai timi zumh an si lo.