Min Aung Hlaing – PDF Hriamtlai Hna, Ra Kir Uh, Lunglawm Tein Cohlan Nan Si

Hriamnam he kan sin ah aa rak fonhmi PDF pawl cohlan an si lai tiah SAC nih a thanh-  People Defense Force (PDF) phu pawl nih rampi hmailei rianṭuannak ah rianṭuanṭi ding in rii khiahmi phung chungah hriamnam nan ap i mipi sawhsawh dirhmun dir nan duh ṭhan a si ahcun cohlan nan si lai tiah SAC nih June 11 ah a thanh.

Ramkhel ruang le tlangcung miphun dang cio sinak ruangah theihthiamnak a pial sual i ramchung hriamtlaih buainak a chuak hnu ah rampi ṭhanchonak a donh caah CRPH le NUG nih sawmmi PDF telh in hriamtlai phu tampi dirh in doh kan si. Cuti thil a kal peng a si ahcun rampi daihnak le democracy ṭhanchonak a nuarhter chin lai tiah SAC nih a thanh.

SAC nih lakhruak in sermi phung ser dih a si hnu ahcun 2008 phunghram he a tlakning tein tlukruannak a ummi Party tling thimnak cu tuah a si lai i teinak a hmumi Party cu rampi rian khinh le uknak nawl pek an si lai tiah a langhter.
Sagaing ramṭhen, Kalay ah zeihmanh sualnak tuah loin ralkap sin ah a rak fonhmi PDF training a dih cang mi PDF chungtel pa 3 le nu 2 cu June 6 ah an nu le an pa sin ah hlunghlai tak in kuat an si cang tiah a thanh. CRPH, NUG le PDF phu hna cu SAC nih biaruahnak kan ngei bal lai lo tiah voi tampi an chim ko nain atu ahcun PDF pawl cohlan an si tiah sawmnak a tuah cang.The Chinland Post