Min Aung Hlaing nih Uknak Alak Hnu In Japan nih Biatak Tein Company Achap

LEI HNIH NGEI JAPAN MUMAL: SAC HE AA PEHTLAI RIH MI JAPAN COZAH- John The Baptist, Tipil Petu John nih Farasi le Phungbia Cawnpiaktu mi hna cu: Rulpuar fa Lei Hnih ngei khuachia Satan fa hna tiah a mawtchiat mi ko kha Japan hi an hluan ko lo mei. Dr. Sa Sa nih Japan MPs Palai hna le PM a tawn hna, Mipi lei an um I, NUG cu kawlram cozah ah an cohlan ti cu hngalh cio mi asi. 1 February 2021 Ralhrang Rallokap nih uknak chut kan si tikah, Kawlram mipi caah ka Lungnuam lo tuk; DASSK le Ramkhel ruangah tlaih mi vialte a tu bak ah thlak dih uh tiah arak au len mi Japan Cozah an si.

CDM le Non-Violence in Ralhrang SAC kha tei awk ah Japan nih aazuam ve. UN, EU, UK, American le Nitlakram hna Bantukin SAC cu Sipuazi in a dantat le phihkarh nak kha biatak tein a rak au pi tu Japan asi. Asia ah cun Japan, Australia, N. Korea hna hi Mipi lei aum mi an si caah, an ram ah NUG Embassy kan tuah khawh lai tiah rak zumh cio asi.

NUG nih DDay an thanh ni in Japan nih a lung aa thlen. American le Nitlak ram tampi nih DDay an cohlan lo. A herh lo ah mipi tam pi an thih lai, NUG nih apuitling mi Ralkap le Hriamnam an ngeih lo caah mipi khumzual khawh tu an si lai lo; EAO nih NUG he pumkhat an si lo caah; tbk hna Chirhchan lakin, DDay kha an cohlan lo nak asi. Kawlram in Japan Company hna chuah dih uh tiah a rak ti hna nain, atak in chuak awk ah Pressure apek ti hna.

A hlan lio ning bang in Japan company hna kawlram ah an um rih, an rianṭuan nak tu an chap lehlam. Kawlram in a chuak mi Japan Company hna cu a miak ahmuh ti lo mi Company fa te te 1-2 lawng an si. Nippon Foundation Hotu Dr. Sa Sa Kawa nih Kawlram arak tlawn ah Japan nih SAC he an I pehtlaih nak a fek chinchin. Sa Sa Kawa nih EAOs le Vawlei pi Palai ṭuan piak in SAC kha cozah an si ko tiah cohlan awk kha MAH I planning cu asi.

Japan nih Kawlram in chuak duh loin Ralhrang Rallokap he aa pehtlaih rih mi cu: Tuluk nih Sipuazi ah a ka TEI tuk lai tiah a ruah khawh lo caah asi. Kawlram in Company tampi an chuak, Tuluk company rual nih an ai awh in an rat colh ve. Kawlram ah Tuluk company aum mi cu hlan lio nak in a let hnih in an tam deuh cang. Tuluk he Superpower sinak aa zuam cawh mi hi Japan le India ansi. India zong nih neutral timi alai ah ka um lai tiah an thanh cang nain, SAC lei ah aa merh diam ve.

Aruang cu Japan nih SAC he rian an ṭi ruang ah asi tiah ti cio asi. Mipi cu harsatnak phun zakip ah khuasa asi I, Tuksapur thil ṭihnung bik bik hna kan cung ah an tlung I kan intuar cuahmah lio ah, Japan, India le Tuluk caah nuamsup an ti ko rua. Arpi ṭahnak Sahngar nihnak tuanphung kha kan hluan cang. Mipi kan ṭah Anmah an I nuam ti ah apoi lem lai lo dah? Japan Hawikom asimi Nitlakram hna nih Rallokap Cozah he an I pehtlaih rih mi nih Japan lung a thlen.

Zukua mei chemh phun in meikhu chuahnak poah zulh in anmah a duhlo tu vialte a thah mi; Rallokap dohtu khua vialte meiduah tu: Rallokap Ralbawi rual cu Japan nih Tindan an pek mi hna ansi. Tutiang in Training a pek zungzal hna. Helicopter le Jet Fighters in sualnak ngeih lo mipi le khua tampi kahtu, Pilot hna le Navy Ralbawi hna Tindan pek tu zong Japan asi. A Tutiang an ngawlh hlei lo. May Myo Rallokap College ah Tidan pek tu hi Japan le Singapore ansi. 2022 April 26 ah Japan Hlutdaw nih Humhimnak meeting an tuah.

Kawlram Ralbawi hna Tindan pek awk cu kan cohlan ṭhan cang tiah, Mr. Nobuo Kishi, Defense Minister nih a chim. Rallokap nih Kumkhat ah Amiak USD 2 million an hmuh hnga mi, Y Complex Innpi le Inn tampi sak awk zong Japan nih Simankin an ngeih tho tho. Y Complex Simankin ah rian ṭuan tu Company hna cu Tokyo Tatemono Co., Ltd. Le Daiwa House Industry Co., Ltd ansi. Tuanbia a ngeih mi le World Heritage ah aatel mi Jubilee Hall kha an hrawk pet I, Rallokap Piahṭaih (Military Museum) an sak mi Y Complex Simankin asi. Ṭuanvo laktu bik Japan cozah le Japan Company rual ansi.

Kawlram kong ah a tliang mi Policy angeih ballo mi Japan asi. Hi hnu zong ah a ngeih bal lai lo tiah Dr. Kyaw Tint nih ati. Japan ah Ph. D alak hnu ah American ah khuasa mi asi. Mumal tliang mi le a tluang mi a ngeih mi Japan asi lo caah, Kawlram um Japan Company cung ah nawl angeih khawh lo nak hi asi tiah ati. 8888 ruang ah Jubilee Hall hi Ralkap nih an hrawk mi asi. Gen. Aung San nih roling bia a rak chimh nak hmun asi. 1994 ah History Museum ah an thlen. NLD chan 2017 ah aningpi Jubilee Hall an hrawk dih Rallokap nih. USD 300 million dih in Tatmadaw Museum an sak lio pi asi. Hlanlio Museum vialte kha an hrawk dih I, Tatmadaw Museum ah Jubilee Hall cu an thlen.

Cu Simankin ṭuantu cu Japan Company rual an si I a min Y Complex Simankin an ti. Jubilee Hall hi Rallokap ta asi lo. NUG nih zuar ve sehlaw a ṭha ko, Inya Tidil um MAH Inn an zuar Bantukin. 1897 ah Victoria Queen nih SPH sinak Diamond Jubilee caah Jubilee Hall hi an sak mi asi. Cucaah Rangoon Sipin (Municipal) ta bak asi. Rallokap nih Vawlei hlan man in USD tampi a hmuh lai.

Cucun Meithal a cawk lai I mipi thah nak ahmang khawh mi asi tiah Justice For Myanmar nih May 26 ah thanh ca le duhlo nak ca an chuah cang mi asi. Japan cu Mipi lei ah nan um awk asi tiah Justice For Myanmar nih an mawtchiat len. Japan Company he a ṭuanṭi mi Company vialte hi 101 an si. Cu Company 101 sinah Ngawl ding in Justice For Myanmar nih ca an kuat hna. Vawlei hlan man Phaisa chuak piak tu Toyota Company an si. Cucaah Japan Company lian deuh mi vialte cu Rallokap he tuah mi Y Complex Simankin ah an I tel dih ti hi hngalh cang hna usih.

Pathian nih Ami hna Judah mi sinah ati mi hna cu: Izipt, Babilon le Syria I bochan hlah uh. Liannganbik Pathian Ralkapbu Bawipa kha I bochan uh. Amah nih Nihin ah a tuah ding mi thil Lianngan tu kha cuanh ko uh. Nihin nan hmuh mi Nan ral Rallokap hna hi Thaizing ah nan hmuh ti hna lai lo. Mah Kutke to nun thiam uhlaw, Pathian bochan buin cawn uh an kan ti duh nak asi.

CHIN RALKAP BU NIH CHINMI KUTKE in Ralhrang tei awk ah Pathian Planning asi tiah zumh cang ve ko. Mah elk hap tawk tein, kan pahrang ning cio in, kan lung kan I thlet bauh ning cio in, Kan miphun ralkapbu cu bawmhchan usihlaw, alam kip thazang ṭhawn ter usih. Pathian duhsak nak le hnatlak pi mi asi caah kan ral kan tei hrim hrim lai Ralkapbu BAWIPA Pathian thawng in Arau hlan ah. Ahohmanh mawtchiat ti hlah usih. Pu Yemon, Dr. Sa Sa le Dr. Lian Hmung Sokhong cu an tlin lo nak mawtchiat in Ruahnak pek khawh asi ko nain NUG ningpi in santlai lo ti hi cu asi deuh lai lo.

Vawlei ah a tling mi bu le minung si hi a har cem mi asi. No Man Is Perfect tiah I lungsak ko ne usih, Zeiti ṭha hlah. Hruaitu hna an ṭhat lonak le tlamtlin lonak cu maimilh piak usih law, an ṭhatnak le an Hlawhtlinnak tu hmuhthiam le thangṭhat cuaisan thiam deuh ko usih. Pathian hnatlak zong asi lai caah Bawipa a lung tluang lai I kan mah kutke tein TEINAK Lianngan in RuunInn le Lungrawn LEI AH kan tlun te hna lai. zingtincuai cinzah