MDF/MATC nih India Mara ramchung Ralzaam Hna Sinah Vehvatnak An Tuah Ve Cang Hna

Home

Mara Autonomous District Council (MADC), SIAHA DISTRICT, chung ah  a ummi IDP camps le ralzam hna sinah vehvatnak kan tuah cang tiah MATC nih achim. MATC Relief and Resettlement Department nih riantuan awt cang ding in Executive Secretary-incharge Bh.Vabie Hniesah le Fie Nugia hna cu July 8 thawk in MADC, Siaha District chung I a ummi IDP camp hna le ralzam hna sinah kal in, khuakip ah a ummi ralzam committee le workfare board hna he tonnak an ngei.

Siaha district chung ah ralzam hna hi kan mah Mara miphun lawng si loin, Matu, Lautu, Zotung, Zophei le miphun dangdang tampi an si hna. Siaha district chung ralzam umnak khua 22 ah tuanvo ngeitu hna nih an vehvat dih hna hnu ah July 14 ah MATC headquaters ah an ra kir than cang.

Ralzam data le an harsatnak vialte theih pi an si I, MATC Relief & Resettlement Department rinhchan in riantuannak biatak tein kal pi a si cang lai. Cu caah hmun kip kaa kip Mara miphun hna nih ralzaam bawmhchanhnak  thazaang nan thawnter cio nak hnga, cun thlacamnak zong in nan kan bawmh cio nak lai kan in nawl hna,

Kan theih bantuk in MDF cu India Mara he aa fonhmi an si. MDF cu Chinram dohthlennak tuahtu kan  hriamtlai CDF , CJDC ah aa tel duh lomi an si hna. An nih cu, India Mara he i kom in Kawlram ramkhelnak rian si loin, anmah Mara miphun caah a khelmi an si hna. Chinram ah Mara cu anmah tein um khawhnak lam a kawlmi an si. Cu policy cu zingtincuai cinzah nih hitihin achim, MDF nih Mara State cu CHINRAM ah pakhat, Mizo ram pakhat tiah hal an duh. MAH doh ruang ah siloin, State pa hnih hmuhnak caah dirh mi MDF an si. India cozah ah report tuah siseh law, MDF hi an hrawk cikcek hnga. An hruaitu Luban rual hi India Mara lawngte an si. Pastorte, MPs telin, Officers, MTP, MSO tbk tiang in an I tel dih. Ramchung Ramleng Mara Mifimthiam kip nih an duh I an cohlan dih mi Policy asi. Oneness in an kal caah CHIN he cun I fonh khawh rai asi lo. Mara Biaknak, Mara Party, Mara Politic, Mara Army, Mara State in a kal mi ansi tiah a ti. Chinram Mara le Mizoram Mara hi hmunkhat te um khawhnak lam cu aliamcia kum zeimawzat chungah khan an mifim hna nih an rak i zuam tuk cangmi asi.