Mayweather le MMA Asakura An I Thong Cang Lai, Ahmunhma le Ni Caan Langhter Dih Asi

Home

King of Boxing tiah auh mi Mayweather cu Boxing in aa dinh hnu ah tutan he a voithumnak  MMA he aa thuatnak asi lai.  Voikhat  hmanh boxing thonghnak ah a sung bal lomi Floyd Mayweather cu  boxing thonghnak Ring cungah a kai than lai. Floyd nih a dironh than dingmi hi MMA fighter asi than lai. Tutan an ithonghnak ah hin Boxing phung/rules an hmang lai. An ithonghnak ding hmun hi Saitama Super Arena in Japan ah asi lai. Sept.25, UK times 4am ah puai hi thawng asi lai i, Mayweather le Asakura hi 6am hrawng ah an si te lai zumh asi.

Mayweather hi Boxing in aa dinhnak hi kum 7 asi cang. Boxing in aa dinh hnu ah McGregor nih challenge ruangah 2017 ah an I thua I, round 10 nakah refree dicision in McGregor cu sungh an rak pek. Cu hnu ah Japan kickboxer Tenshin Nasukawa nih Floyd cu a  challenge than I 2018 ah an ithua rih. Japan pa cu Floyd nih chikhatte chungah nockout in a tei colh. Floyd nih arak chimmi cu, minutes 10 hmanh a tling lomi ah 9million ka hlawh tiah a rak ti. Tutan ah Floyd nih dironh than a tim mi pa hi MMA fighter Mikuru Asakura  29-year-old a former two-division MMA champion asi i September chungah a si lai tiah report nih a langhter.

Ani caan taktak fix mi a um rih lo. Zulhphung zong hi MMA si loin Boxing zulhphung asi lai tiah an zumh. “My legacy is already engraved in stone, like I said before, but it’s still great just to go around the world and entertain people from all walks of life. September we’re going to have fun and entertain people. I’m Floyd Mayweather to him. He’s just another opponent to me.” – Mayweather.

Mayweather nih hin boxer dang he ithongh cu aduh bak lo. Voitam Pacquiao nih a singkhaw cang nain kaa khat zong a holh duh lo. Nain MMA fighters nih singkhaw ahcun a ngamh tuk fawn hna. Boxing rule a si lai tikah tlaih le chuih a um ti lai lo i, fawi tein ka tei hna lai ti a theih tuk. Cu caah tutan MMA former champion zong hi fawi tuk in a cohlannak asi ko. Floyd hi voi 50 ah voikhat hmanh a sung bal rih lomi pa asi.