Manipur Buainak ah Minung 4 An Thi Chap Rih

dailychin

Tulio India ramchung ah breaking hot news taktak cu Manupur state buainak hi asi. Miphun kar buainak asi caah an thisa alin khun i hriamnam iput i an i thah thluah mah hna. Nihin thah atongmi zong hi meithal bak in an kah hna, acheu cu an kut, an ke ruh zong a kiak dih tiah theih asi. Mizo nih an tialmi copy paste kan tuah-

CHURACHANPUR LAM REPORT UPDATE – Vanneihthanga 5.5.2023 (MSR) : Vawiinah Churachanpur Civil Hospital-ah ruang 3 leh hliam na tak pakhat phurh luh an ni a, damdawiin thlenpui a nih hnuah hliam hi a boral zui ve nghal. Heng mitthite hi an vai hian tlang mi Thado-Kuki thingtlang khawtea cheng vek an ni. Vawiina mitthite chu hengte hi an ni –

  • 1. Khaizamang (42) S/o Tinsei Village : Nomzang
  • 2. Chongkhawlen (27) S/o Dosei BSF (chhuti mek a nih hmel)
  • 3. Thenminlal Villange : Dopkon (Pa hming leh kum zat hriat theih rih loh)
  • 4. P. Haukholet Haukip (27) Village : Chongpikawt

Thu dawn danin anmahni thattute hian Manipur police commando uniform an ha vek a, thingtlang khuaah kalin an hmuh apiang an sawisain an kaphlum ringawt zel mai niin an sawi. Thudawnna chuan, “Heng mitthi ruang te hi an ban ruhte a tliak a, an ke ruh te a tliak a, thenkhat chu an hmaiah chema sahna hliam rapthlak tak te a awm bawk a. An kaphlum a nih pawhin engvanga heti taka nghaisa chiam nge an nih ang tih hi rin dan pawh kan thiam lo. Manipur commando uniform hain anmahni Meitei hel ho hian min bei emni?..a ngaihna tak kan hrethiam lo. Hetiang hi kan dinhmun a nih takah chuan, commando uniform hate kan thlamuanpui thei tawh lova, kan tan an hlauhawm thei ta vek mai a nih hi” a ti.

Thudawnnain a sawi zel danin, “Sorkar police uniform ha ten hetiang hian min that a nih si chuan kan dinhmun hi a him thlawt lova, Imphal lama kan mite sipai camp-a awm te pawh hi an him rengin a rinawm ta lo. Ei leh barah kan harsa nghal a, hei hi chu kan dah pawimawh ber lo, kan himna hi kan ngaipawimawh a ni. An mi leh sate venhimna hnuaiah an hruaichhuah theih laiin Imphal lama kan mi leh sa, sipai camp-a tang mekte hi venhimna hnuaiah hruaichhuah vat an nih theih nan thuneituten hma min lak sak se tih hi kan duh ngawih ngawih a ni” a ti. Ziak danga tarlan tawh angin, Churachandpur mi Imphal lamah hnathawka awm, tangkhang tam tak chuan Assam Rifles camp te, CRPF camp te leh Airport compund te, an sahimna zawngin an panin an tlan lut hlawm a. Chung tangkhang mekte chuan venhimna hnuaiah Churachanpur lama hawn theih hlan an nghakhlel em em a ni.

Thudawnna chuan, “Tun dinhmunah hian tribal MLA ten engmah awka (voice) an nei ngam lova, Imphal lama Churachanpur mi leh sa te escord pe tura thuneitute kan dilin pek kan ni lova, Hetih mek lai hian, kan mi leh sate Imphal sipai camp-ah hlauthawng takin tukverh pawh hawng ngam lovin an tang mek a. Churachanpura Meitei tangte escord hnuaiah an la chhuak chur chur lawisi te hi rilru a na a ni” a ti.

Thudawnna hian vawiin khan CM Pu Zoramthanga phone hmanga a biak thu a sawi a, CM hian theihtawp chhuahpui a tum thu a hrilh a, an inbiak zawh hnuah Manipur CM hnena lehkha a thawn nghal thute report a dawn leh thuai thu a sawi a, tun thleng erawh chuan Imphal mi tangte hruaichhuahna tura hmalakna a awm hriat a la nih loh thu min hrilh bawk a ni. CM Pu Rama hian kan unau mangangte tan hian a theihtawp takmeuh a chhuah niin a hriat a, a lawmawm takzet a, a hlawhtlinna kan hmuh thuai pawh beisei ila a tha ange.

Heng thute leh zawhnate hi lo ngaihtuah zui ve mai mai teh : Laxmi trident leh tunlai thilthleng hian inkungkaihna a nei ang em? Kum 1993 May ni 3 khan Manipur-ah Hindu firfiak hovin Pangal-Muslim Meitei ho tharum hmangin an bei chiam a, mi za chuang an thi. Khami tum khan Muslim ho biakin an target a, mosque tam tak an tih chhiat sak a ni. Pangal beih atanga kum 30-na chiah, may 3, 2023 ah Hindu firfiak hoin tlang mi christian community te chungah kut an thlak leh ta chiam mai a. An target hmasak ber pawh Christian biakin a ni leh ta a. HINDUTVA thil tum tih hlawhtlin tumna thil tih a ni thei ang em? Number 3 awmna vek, Hindu pathiannu Laxmi thil ken (trident) tiang hmawr zum 3 nei nen inkungkaihna a awm ang em? Sakhawdangte ngaihtheih lohna thil tih a nih chuan, India rama sakhaw hrang hrang biate inngeih thlang taka kan awm ho dial dial theihna Dan, Right to Freedom of Religion (Articles 25-28) bawhchhiatna leh palzutna nasa tak a ni ngei ang!