Malaysia Siizung ummi Fapate Alungfim Cang Ee

Home

Hringtu apa nih afale pathum he amah he thi dih usih tiah khuakhannak a rak ngei ko nain, afahniang bik kum 3 lawng asimi cu apa nih hleicung sang piin a thlak nain a nunnak a liam lo. Malaysia sizung ICU ah zarhkhat a um hnu ah alungfim cang tiah theih a si. Ngakchia pate cu hringtu anu nih a um pi.

Ngakchia te cu a mit a vun au I anu sinah a chimmi cu, Ka pale ka ule khuazeidah an um, hmuh ka duh hna  tiah anu cu a ti. Fiang tein bia achim khawh pin ah apa, a u le avun hlam hna tikah sibawi nih a lungfim cang tiah an ti. Cu ruangah atu hi a umnak ICU in General lei ah thialkam an duhnak zong sibawi sinah an chimh cang hna. Ngakchia hi ahliamhma a fah tuk ruangah sizung ah caan zeimawzat cu a um rih ahau tiah theih asi. Fapate hi BAWIPA nih damnak pe than zau hram ko seh.

Hi thil acan hi Aug.2, zingka suimilam 5am hrawng ah asi tiah theih asi. Mithmutu nih a chim ning ahcun mipi nih afa pakhat a cawi i, pahnih cu hruai hna. Tlawmpal ah a cawimi fapate cu hlei cungin a hlonh, cun akut in a hruaimi ngakchia pahnih zong hlei cung sang cun a nam rih hna i amah zong a zuang ve. Chanh ding ka kal cu a tlai cang tiah a chim. Pu Chohlei thiltuah mi hi mizeihmanh nih cohlan khawh lomi asi. Atuahmi kongah comment pakhat nih cun, lungfahnak a ngei tiah a ti.