Luatnak Teinak Kan Duh Taktak Ahcun Kan Ngamh Zong Asan Aherh

Dohthlennak Caan Lio Ahcun … Biaceihtu 4:21.,Sihmanhsehlaw Heber nupi Jael nih cun puan thlam khenhnak fung le sobul aa lak i, a baa i aa hngilh hluahmah lioah khan a sinah cun a thli tein a va kal i a phuzep ah a khenh, a tleng i vawlei ah aa bunh. Cucaah a thi. Israel miphun nih an ram caah ral an doh lio ahcun nu hna nih nu kan si ti hin loin an ral kha hi bantuk in an rak thah ve hna.

Heber nupi Jael nih a thahmi pa hi Kanaan siangpahrang Jabin i a ralbawi nganbik Sisera a si. Jael te inn ah ralbawi ngan Sisera a phanh tikah nu ka si i zeitindah ralbawi ngan Sisera cu ka thah ngam hnga tihin lo tein Israel miphun luatnak caah Bawipa nih ka sin ah a phanhter, cu caah hi pa a nunnak hloh cu keimah rian a si tiah aa ruat i a rak thah mei ko. Dohthlennak kan tuah cuahmah lio ah ram hrinfa dihlak țuanvo kan ngei, luatnak teinak kan duh taktak ahcun kan ngamh zong a san a herh.