Liverpool Stricker SALAH hi Champion League Final ah Achuih Kho Lai Maw

Home

Liverpool  legend le God of Football tiah an timi Mohamed Salah cu FA cup final ah Chelsea ah an itong I, penalty in Liverpool nih 6-5 in Champion hraipi an thir. Adonghnak lei ah Salah cu vanchiat ah a ke aa hrawk I, mitthli he a rak chuak. Salah a ke aa ilh cu Liverpool fans pawl an lungrawk tuk. Zeitintiah Liverpool cu Champion League ah Real Madrid he final aa tawng than ding an si. Salah cu Champion league final ah a chuih kho lai lo tiah an rak ti.

 

Nain, nihin ah Salah nih a chimmi cu, Champion League final ah Real hmai ah ka dir kho lai, tha tein ka chuih kho ko lai tiah a ti. Salah hi Liverpool nih striker thabik ah an I ngeihmi asi. Nikum hmasa ah Real nih Liverpool cu Champion League final ah a rak tei cang. Cu lio ah Salah cu Ramos nih a liang a rak hrawh. Cu ruangah Liverpool kan sung tiah an rak ti. Tutan ah Salah nih a timi cu, kanmah Liv a rak kan teitu Real he tonnak caantha kan hmuh than hi kaa lawm tak tak, hihi ka lungchung saduhthah asi. Kan tei fawn hna lai a ti.