Laithuam Uar Ngai Ttung I Laihloh/Ca Zei Arel Lomi Hi Ramthumnak Um Laimi

Home

Laimi nunphung Lai nunzia, Laica le Holh nih miphun pakhat kan sinak a langhter, miphun pakhat kan sinak a kilven. Laimi nih Laithuam tha tein kan ineih, cu cu ineih sawhsawh men le tlaihchan sawhsawh men tiang lawng hi a za hrimhrim lo. Laithuam atlaihchan mi na si ahcun, Laimi phun na dirkamh asi tinak asi.

Cuhlan ah Laithuam hi mizaran nih ineih khawh a rak si lo, bawi phun le neinung deuh lawng nih an rak ngei. Nain, Tuchan ahcun Laithuam zong hi mizei poh nih ingeih cio asi. Kedanh tiang hmanh in idanh asi cang. Cutluk in Laithuam thil aa tuahmi hi ramdang um Laimi kan si. Cheukhat innchung Bizu cu zoh ah Laithuam lawngte a khat. Nain Laimi sinak a tlaihchan maw ti ahcun tlaihchannak a nei lem lo.

Innchung ah Laithil thuam lawngte (nu le pa, fanu fapa) dihlak in I hruk ko nain, Laiholh a thiam lomi chungkhar fale an tam tuk cang. Lai Coat ihruk ko tung I, Laiholh le Ca pakhat hmanh a thiam lo ahcun zeitindah Miphun a tlaihchan khawh kun hnga. Hi hi hringtu nu le pa mawh asi. Nu le pa nih miphun holh le ca tlaihchan lo ruangah asi. Cu caah Laithuam thil lawng uar ngai, innchung khat in ichiah riangmang I, Laiholh le Laica a tlaihchan lomi, zeiah arel lomi zatuak in Ramthumnak khuasa an si.