Khuami cu An Thah Hna I, Khuapawng ah An Hlonh Men Hna

Nizan May 26, ah mipi hriamtlai nih kahdohnak pawngkam hrawng hmunhma zohfel thannak an tuah ah ruak 5 an hmuh. Mah an hmuhmi ruak hi ralhrang nih an thahmi hna asi. May 25 ah Magway ramthen Maing peng Kyaukkuat khua pawng ah mipi ralkap le ralhrang hna karlak kahdohnak a um.Cu kahdohnak ah kaphnih athi le hliamtuar an um le um lo langhter mi a um lo. Kahdohnak a dih hnu May 25 ah mipi hriamtlai hna cu hmunhma zohthannak an tuah.

Cu ah cun ruak 5 an hmuh hna. Mah ruak 5 hi Kyaukkuat khua mi maw an si khuadang  minung dah an si timi theih fiang an si rih lo. Ruak hna cu mipi ralkap nih tha tein an timtawl hna. Culawng asi lo, Sagaing ramthen Ayaattaw peng Swedwinkung khua cu ralhrang nih hriamnam ngan in an kah hnu ah khuachung an lut I, khuami umnak inn an khangh piak hna tiah theih asi.