Khamhnak Na thlau Khawhnak Dirhmun Pawl

Home

ZEI DIRHMUN AH DAH KAN KHAMHNAK A TLAU KHO LO? ZEI DIRHMUN AH DAH KAN KHAMHNAK A TLAU KHO? (John 10:27-30)

John 10:27–30 ah a biapi biafang pa (4) kan hmuh khawh. “Ka bia a NGAI (Listening)” “Ka bia A zulmi (Following)””Ka kut chungah um (My Hand)” “An ka chut kho lai lo (Pluck) Jesuh Bia a NGAI i a ZULMI Tuu pawl kha a KUT chungah a ummi cu an si. A kut chung um mi tuu cu an khamhnak a tlau kho lo. Tuu si ve ko tung i Jesuh bia ngai lo i, cun a nawl zong a zul lo mi Tuu an um ve. Cu hna cu A kut chungah a aum lo mi Tuu an si. Jesuh kut chungah an um lo caah an khamhnak a tlau ve.
Khamhnak hi “AHCUN (IF)” ah aa hngat. Dirhmun (Conditional) a ngeimi asi.

ZEI DIRHUM AH DAH KAN KHAMHNAK A TLAU KHO LO? “AHCUN”- (1) Pathian bia kan ngaih i kan zulh AHCUN kan khamhnak a tlau kho lo. (Halelujah) (2) Jesuh kut chung ah kan um AHCUN kan khamhnak a tlau kho lo. A hohmanh nih an kan chut kho lo. Hnangam tuk a si.(Halelujah) (3) Jesuh kan zumh AHCUN kan khamhnak a tlau kho lo. (Halelujah) (4) Biatak kan i tlaih AHCUN kan khamhnak a tlau kho lo. Biatak nih a kan khamh.(Amen) (5) Pathian Vel chungah kan um AHCUN kan khamhnak a tlau kho lo. (Amen) (6) Khrih he kan i peh AHCUN kan khamhnak a tlau kho lo. (Amen)

ZEI DIRHMUN AH DAH KAN KHAMHNAK A TLAU KHO.- (1) A bia kan ngai lo i kan zulhlo AHCUN a kut chung um mi kan si ti lo. Pathian bia na ngaih lo i, na zulh lo AHCUN a kut chung in nangmah tein na chuak khi asi. Na khamhnak a tlau. (2) Na zumhnak na mertak asiloah na hlawt AHCUN na khamhnak a tlau. (Matt 24:10, 1Tim 4:1) (3) Biatak na mertak/ hlawt AHCUN na khamhnak a tlau. (Jame 5:19, 2Pet 2:2) (4) Pathian Vel in na chuak AHCUN na khamhnak a tlau. (Gal 5:4;)(5) Khrih he nan i Țhen ahcun na khamhnak a tlau. Misurnge cu Misur ruang ah aa peh lo AHCUN mei khangh asi ko (John 15:6, Gal 5:4; Heb 3:12)

Khamhnak Tlau cu Zeitindah Kan Theih Lai?- Depde (Hypocrite) lo tein mah le mah i check ding asi. Khamh na si le silo cu Pathian le nangmah lawng nih nan theih. Na thinlung chungah na khamhnak kong cu namgmah le Pathian nih nan hngalh ko… Pathian Biatak naa tlaih i a Bia na zulh AHCUN na khamhnak cu a tlau kho hrimhrim lo. Amen
.
Mah khamhnak kong theology hi Arminian/Wesleyan Perspective in ka tialmi asi. “Once Saved Always Saved (Voikhat khamh zungzal khamh) timi Presbyterian doctrine (Calvinist) he cun an i kalh ngai. Zumtu nun cawnpiaknak ah zeidah a țha deuh timi tu kha thleidanzia thiam a herh. I huat ding aum lo. Khrih ah unau lawngte kan si ko hna.


MI NUPI PAW CUNG KA BAWH PENG ZONG AH KA THLARAU CU KHAMH A SI KO” TIMI CAWNPIAKNAK ȚHALO AA SEMNAK BIBLE (1Kor 5:5)– 1Kor 5:1-13 Korin Khrihfabu chungah “A PA NU PI (A nu) paw cung i a bawk cuahmah mi PA hi A thlarau cu khamh asi ko i, a taksa belte cu Sehtan kutah pek asi tiah Khamh tlaulo pom pawl nih nan zumh. A sullam cu Mi Nupi paw cungah ka pawh cuahmah bu zongah ka thlarau cu khamh asi ko tiah na zumh ve caah a si.

Micheukhat nih nan i thawh i “Khamhnak a co cangmi Pathian fa taktak nih cun Mi nupi paw cung ahcun a bawk peng lai lo nan ti hoi. A bawh peng ko ahcun Mi hrințhanlo, Pathian Fa taktak a rak si lo caah asi nan ti țhiamțhiam. 1Kor 5:5 Korin Khrihfabuu chung i, Mi Nupi paw cungah a bawk pengmi pa hi le, MI PIANGTHAR Pathian fa taktak ah nan chiah hoi. Vancung ah nanmah nawl in nan kai ter thulh. Nan bia le nan zumhnak zong aa kal dih ko lo hme maw?

Korin Khrihfabu i Mi nupi paw cung i a bawk pengmi pa i, a thlarau cu khamh asi ko timi cawnpiaknak nih MI NUPI PAW CUNG ka bawh zongah khamh ka si țhiamțhiam ko timi zumhnak țhalo a hrin. Mah pa hi a thlarau cu khamh asi ko tiah na zumh ve ko ahcun, mi nupi paw cung i bawh cuahmah zongah khamhnak cu a tlau lo titu na si ve ko. Amosthangchin