KANI khua Inn Khangtu Ralhrang 15 An Thi
Kani Khuami Inn Khangtu Ralhrang Pawl Mipi Ralkap Nih An Kah Hna Caah Ralhrang Minung 15 An Thi, Mipi Ralkap nih Ralhrang Bombpuah nak in Minung 10 Nak Tlawmlo An Thah Hna Sagiang ramtthen, Kani pengah khuami umnak inn a khaangtu ralhrang pawl cu May 28 zinglei ah mipi ralkap nih an kah hna caah ralhrang lei minung 15 an thi tiah MPDF-DEMO nih thawng a thanh. Cun Karen state, Tantaungkyi peng Kyunchaung khualei in a kirmi ralhrang hna cu May 28 ah mipi ralkap nih bomb an puah hna ii ralhrang lei minung 10 nak tlawmlo an thi tiah theih a si.
SPORT- Aung La Sang nih a tei khawh veve lomi ONE Championship Champion Reinier de Ridder le Vitaly Bigdash cu ONE 159, July 22 ah Singapore ah an ithua lai tiah SI thawngzamh nih alanghter. Two division champ Ridder hi (15-0) in middleweight le light heavyweight titles taisawm aa tlaih lio mi asi. Mah aa tlaih liomi taisawm hi Aung La achuhmi an si veve.
Bigdash hi Aung La he voithum an I thua I, avoikhatnak le avoithumnak ah Bigdash nih a tei. Voithum ah voihnih a tei. Atu cu Ridder le Bigdash aa thua ding an si. Ridder nih a chimmi cu, Mipi nih Bigdash cu Ridder nih Chocking in a tei lai tiah an ruah dih ko tiah a ti. Tutan ah Bigdash cungah lungsau thinfual I um hi kaa tim lo, tuan te ah puai dihter hi kaa tim tiah achim chap. Bigdash belte nih zeihmanh chimmi a ngei lo
MDF KONG – Nihin ah MDF nih thawngthanhnak pakhat an tuah. An timi cu, Kanmah MDF uknak hmun ram chungah fimcawnnak sianginn cu May 1, in kan on cang. Kan penmi Mara ram khuate 7 ah sianginn tha tein on asi cang. A rauh hlanah June thla chungah Mara hmunram khuate vialte ah sianginn on khawh dih ding in timhlamhnak kan ngei tiah an ti. MDF hi kan theih bantuk in CNA he ifonh in riantuan ttimi an si lo, CNA thithruaimi CDF he zong riantuanti an si lo. MDF cu India Mara he Kawlram dohthlennak kongah riantuan tti aa tim mi asi.
MDF headquater cu Saiha khuapi ah a si I, Meeting an tuah tik caan poh ah Saiha Mara hruaitu zeimawzat he khuakhannak a tuah pengmi an si. MDF cu India Mara he ifonh in a dirmi an si caah Chin ramchung Mara tampi nih an pawm hna lo I, CDF-Mara zong nih an policy a pawm lo. Chinram le Chin miphun sinak min aa bunh duh lomi an si tiah theih an si. Thil sining hlat hnu ah tulio dohtlennak ah zanchiar a aumi VAURAWNG zong nih a dirkamh lo. Vaurawng nih cun CDF-Mara lawng a dirkamh.
Nihin an cathanh zohtikah Mara ramchung ah buainak a chuak than lai lo ti ahohmanh nih chim khawh asi ti lo. Zeitintiah, MDF nih Mara ram uk dih I, anmah control nak tangah chiah dih an duh bantuk in CDF Mara nih Chin ramchung Mara vawlei cu kanmah ram asi tiah an ti ve. Mipi caah riantuan tu si veve ko nain cuhlan bantuk in CDF-Mara le MDF karlak ah hriamnam thazaang hman caan a phan khomi asi. Cu cu fiang tein HMUH CHUNG MI a si. MDF cu Pu Htet ni le Dr.Sasa nih an dirkamh lomi phu an si.