Kan Pasaltha Ei caan, Dinh caan An Ngei Lo I, An Ba Ngaingai Cang

Home

Ramthlo in Dokthek an lut cang i, a tu hi ralhrang cu Chuncung lei hmai hoih in an ithawh cang,  Hakha luh hrimhrim an itim ti cu chim hau lo asi. Nizan ah Hakha in motor trip khat cu an hawile chanh dingin an zuang cang ti thawng kan theih. Ralhrang ke kalmi hna hi Chuncung an phanh ahcun Hakha cu fawi tein an lut cang tinak asi. Nihin thawngtheih ningah Hakha Rungtlang in hriamnam ngam kah thawhpang athang peng tiah an chim.

 

Ralhrang nih hriamnam ngan an kah lengmang mi hi an hawile Dokthek in a rak ithawhmi hna thlahauhnak caah asi lai zumh asi. Ralhrang nih an tam ngaingai caah athimi tam ko hna hmanhsehlaw, motor chung cu chimlo, ke in a kalmi hmanh hi an tam ngai rih ko tiah theih an si. Nihin tiang kan miphun ralkap dinh cang an ngei lo, ei caan zong an ngei lo. Pehzulh in ni6 chung ralhrang an dironh cang hna. Kan ralkap chung in minung 10 hliam an tuar i pakhat nih ram caah nunnak a pek. Ralhrang lei hi a thimi milu zat theih fian asi lo nain 50-60 tluk hrawng cu an thi lai zumh asi.