Kan Fanu Khuaitizu nih Ahmuh Mi $7000 CNF Office ah A Kan Pek

dailychin

Kan Chin nusalttha Honey Khuaitizuu cung ah kan i lawm! Nihin (05/19/2023) ah Frontline (ralram) ah ral a tu mi CNA caah Pathian nih a pek mi a aw tthatnak hmang in phaisa a kawl piak mi hna kan fanu Honey Khuaitizuu nih a hmuh mi $7,000 cu CNF office, USA ah a rak kan pek. Music le Technology lei a bawmtu a tta le (2) nih an rak zulh. Lunglawmhnak le thlacam tti nak he kan dawn hna.daniel sakhong

Malaysia Lei A Kalmi Lehnak Ah Nunnak A Liammi Chin Mi Pathum Ruak Vui An Si. May thla zarhkhatnak ah Thailand ram in Malaysia lei a kalmi motor pakhat aa letmi ah nunnak a liammi Chinmi pathum ruak kan vui cang hna, tiah Chin Community Bangkok nih theihternak an tuah. Thailand ram Songkla ramkulh, Hatyai khua pawng ah May thla zarhkhatnak ah khan Myanmar mi 25 phortu motor pakhat cu a rak i let i, motor cuangmi chung in Chin mi Salai Setha solo, Mai Singo Fachhai,

Salai Thurein Htun hna cu an nunnak a rak liam. An ruak cu an chungkhat hna le Chin Community Bangkok hna i bawm in May 16 ah an vui cang hna, tiah theih a si. Myanmar ram chung ah SAC ralkap nih nawlngeihnak an lak hnu in Thailand ram in Malaysia ah a kalmi Myanmar mi hna cu lam tanṭim ah nunnak a liammi an um bantukin Thailand cozah nih an tlaihmi zong tam ngai an um, tiah theih a si. TCP

Drone 25000 USD in Kawl Ralkap Hriamnam USD 1 Billion Man Tei Awk Ah Ramdang Um Phuntungtu Chinmi Pathian nih an Kan fial. ■■ Tutan Raldohnak hi Miphun Issues asi. Party le MPs Issues, NUG le ICNCC Issues asi lo. Chin Nation Issues bak asi. ■■ Kannih cu Vuadah Yeza timi Ideology ah kan buai lo. Chinism le Chin Nation building ah kan buai sawn. ■■ MAH he lawng aa doh mi kan si lo. Russia, Tuluk, Japan, Singapore le India hee aa doh chih mi bantuk kan asi.

Chinmi nih Kan bukbau kan hun i kan kenret kan pek sian ahcun Arau hlan ah Kan ral hi kan tei hna lai. ■■ Pauchuak Dohthlennak tan ah MAH nih hriamnam a cawk cang mi hi USD 1 billion man asi cang ■■ EAOs le CDF PDF cihmih awk caah tiah Uknak an kan chut ri in Russia le Tuluk siam IT hriam phuntling cu MAH nih a cawk thluahmah. A cawk man cu American Dollar 1 billion man leng asi cang tiah Mr. Thomas Andrew, UNCHR Kawlram Palai nih 17 May 2023 a report ah a phuang.

Kawlram ah nuhrin covo fak piin an buar ter I Mithi bawipa I hriamnam Sipuazi tiah Mr. Tom nih a report min cu a pek. SAC cozah sinah hriamnam le hriam siamnak caah thilri tampi kuat tu cu Tuluk le Russia ansi ■■ Uknak an kan chut hnu ah MAH nih hriam a cawk nak cazin cu: Russia in USD 406 million man; Tuluk in USD 267 million man; Singapore in USD 154 million man; India in 51 million USD man; Thailand in USD 28 million man; tbk an si tiah Mr. Tom Ca ah hmuh khawh asi. Russia siam Mi – 35 Helicopter, MiG – 29 Jet Fighter, Yak – 130 Jet Fighter le Tuluk siam K8 Jet fighters hna in Sianginn, Siizung, Khua le innlo le mipi cu MAH Nifatin ti awkin an kan kah. Cu hna raldohnak vanlawng hna hmang in Mi bupi tambik an thahnak cu Sakai ramṭhen Pazici khua asi. Mipi 200 an kahthah hna. Kawlram ah hriamnam lutpi mi le zuarmi cu khamh khawh asi lo. Vanlawng zinan lam zong kan phih khawh lo. UNSC le Vawleipi nih MAH te nih hriamnam cawk lo ding le zuar lo ding, Zinan zuar lo ding timi le USD le Phaisa lut loin kan tuah lai timi cu kan zapi tein kan ṭanrual lo caah kan hlawhtlin lomi asi tiah Mr. Thomas Andrew nih a phuang.

Cucaah ramdang um Chinmi nih Dollar tampi kan thawh sian ahcun MAH kan tei hna lai. Tinsih chih in kan thawh ah siseh, kan thawh duh lo ah siseh, MAH te kan tei khawh hna lailo. Raldoh can a sau lai. Mipi an lung dong sual ahcun Raldoh ngawl in Saal cannak asi ve te lai.