Kalaymyo, Myosawng ah PDF nih Ralhrang Motor Bomb An Puah Hnawh

Home

Kalaymyo, Myo Hlah area, Myosawng motor lam lian ah ralhrang motor 5 in a kalmi cu PDF nih bomb an puah hnawh hna I ralhrang motor 1 a kang dih. Cuka hmun ah cun kahdohnak tlawm a um hnu ah PDF pasaltha nih hnulei an tolh tak hna. Ralhrang hi a thi le hliamtuar an um nain milu zat theih an si lo.

UN i a kong a Linhsat Saling ah Russia nih Ukraine Chaklei Miakpi in a Kah– Sunday ah khan Ukraine chaklei mipi khuasaknak hmunhma pawl kahdoh an tonmi kongah Ukraine le Russia khat le khat sual an i phaw, tiah theih a si. Ukraine ram chungin Russia kut a phanmi khua le ram ah Russia he i fonh dingin mipi vote an thlaktermi hi Russia nih Ukraine a luhhnawhmi le Ukraine i sungh lawng te a renhmi phihkhar duh i ralkap hlun pawl ralkap tlakter dingin nawl a chuahmi hi solhnak a duh caah a si, tiah Ukraine le Nitlak ram nih an chim.

Russia nih kan raminnpa kan dohmi a cohlang lo tu ram hi US le a nawlngeihnak tangah a ummi ram pawl lawng an si, tiin UN meeting ah Saturday ah khan Russian foreign minister Sergie Lavrov nih a chim. UN meeting a kai mi ram vialte lakin thenli ah thenthum ¾ tluk nih Russia mawhchiat in le Feb. 24 i Ukraine a luhhnawh tlawmpal in khan a ralkap pawl a kirter than ding a si, tiin vote an thlak.

Russia tukmi ral nih minung a thong tamtuk in a thah hna, a cheukhat Ukraine khuapi cu hnawm pon ah a canter hna, 1962 Cuban Missile Crisis hnu in Nitlak ram he a fakbikmi i hmuhthiamlonak a chuahter. A liamcia suimilam 24 chung lawng i Russia nih missile le vanlawng in an kahmi ralkap le mipi inn le lo hi 35 tiang a phan, tiah Sunday ah khan Ukraine nih a chim.

Odesa zong drone in a kah, tiin a chim. Mipi kai hmaithlak bal hna lo, tiin Russia nih ai pheh. Kherson i hotel pakhat Ukraine nih an kah i minung 2 an thah, tiin Russia RIA state news nih a chim.
Tu thla chung i northeast lei hmunhma kau ngai Ukraine nih an lak than hnu khan cun, Russia he i peh dingin vote an thlakmi hi duhning in a kal kho ti lo. Ni 4 chung vote thlak a dih hlan cu khua chuahtak lo dingin an chimh hna. Hriamtlai pawl cu inn kip an fuh hna i, vote thlak ah nan i tel lo ah cun nan rian kan in phuah hna lai, tiin riantuantu pawl an hrocer hna, tiah theih a si.

Vote an thlakmi hi le tutan zarh i Putin nih ralkap a thar in a tlaktermi hi vawleipi nih sual a phawt hrimhrim awk a si, tiin Zelensky nih a chim. Vote thlaknak nih hin mahka hmun ah khua a sami hna zalawng tein an hmuhning langhternak cantha a pek hna, tiin Russia nih a chim. ‘Cohlan awk a tha lo’

Mah hi khuaram pawl hi Russia nih kan lakmi a si ah cun, Vote thlaknak hi Russia runvennak tangah a dihlak in a um hnga, tiin Lavrov nih NY i UN meeting ah a chim. “Ukraine chung i Russia kut a phanmi khua le ram pawl runven duh ruangah nuclear hriamnam hman nan i tim maw?” tiin bia an hal i, a tu i Russia hmunhma a si mi le hmailei i Russia hmunhma a si te dingmi zong Russia nih za ah za in renvennak tangah an um, tiin a leh hna.

“Russia cozah i a phung, doctrine, khuakhanna le zulhphung vialte hna hi kan hmunhma he ai pehtlai dihmi an si” tiin a chim. The Group of Seven industrialized economies nih vote a phichuak kan cohlanpiak hna lai lo, tiin an chim. Nuclear hmang dingin Russia nih a chimmi hi cohlan awk a tha bak lo mi a si, cucaah Kyiv nih hmannak nawl kan pe hna lai lo, tiin Ukraine foreign minister Dmytro Kuleba nih a chim.

“Nuclear ai ngeihmi ram vialte, a tu hi nan holh can a si, mah bantuk i hrocernak nih kan vawleipi a thin a phanter, cucaah ngaihthiam ding a si lo,” tiin a chim. Vote an thlakmi kongkau ah UN Security Council meeting tuah colh dingin Ukraine nih nawlnak a tuah. Ukraine kan ramri thlen dingin kar a hlan caah, Russia nih UN Charter a buar, tiin Oleg Nikolenko nih a chim. Ralkap hlun pawl Putin nih a auh than hna hnu in, Russia raminnpa a simi Finland le Georgia lei ah a zammi a khat in an khat cang. Vanlawng man van a tawng.

Hranhram in ralkap luhternak ralchanh in duhlonak langhter ruangah minung 2,000 thong thlak an si cang. Khua 33 ah minung 798 an tlaih rih hna, tiah OVD-Info nih a chim. Pro-Kremlin media cung tiang in an thinhunnak a zual. Kuat lo ding minung sin i ralkap luhsawmnak ca kuatnak nih mipi an thin a hunter ngaingai hna, tiah theih a si. “Zeiruangah dah nan rammi mitampi nih ram an chuahtak?” tiin Lavrov an hal i, “Zalongtein duhthimnak an tuah le si ko,” tiin a leh hna.

National Guard pawl zong tutan ralkap tlakternak ah telh ve ding an si, tiin Russian nationalist politician nih a duhnak a langhter, tiah British military intelligence nih a chim. “Russia ram chung i dohdalnak karh lei a panh mi le Ukraine i ralkap kuat rian hi Rosgvardia ralkapphu nih a tawlrel khawhmi rian phunphai a si lo” tiin British Defense Intelligence nih a chim. Mah hi ralkapphu hi terrorist le misual phu dotu dingah 2016 ah an dirhmi a si. chelseabawi-update