Kalay PDF nih ralhrang Bomh An Puah hnawh Hna, Athimi le Hliamtuar An Tam

Home

Kalaymyo, Industrial Area Hlei Pawng Ah SAC Ralkap Bomb Puah An Tong I, Ralkap 3 An Thi!
Sagaing ramṭhen, Kalaymyo ah nizaan August 26 zinglei sml 6 hrawng ah khan Kalay University in Bochoke(ဗိုလ်ချုပ်) lam zulh in a kal mi SAC ralkap 40 hrawng cu Industrial Area hlei pawng i hmunhma an lak lio ah, PDF-Kalay nih bomb an puahhnawh hna i, SAC ralbawi pakhat telh in ralkap 3 an thi i, 10 hrawng hliam an tuar, tiah August 26 ah PDF-Kalay nih cathanh an chuah.

SAC ralkap hna nih cun an duhnak hmun poh meithal an kah i, cuka pawng a ummi inn satu 2 cu zong an tlaih hna i an kalpi hna, tiah theih a si. Cu kahdohnak ah cun tualchung mi 1 hliam a tuar caah PDF- kalay nih hliamtuar mi cung ah ngaihthiam halnak an tuah i, SAC ralkap hna he aa hlatnak ah um ding in mipi sin theihternak an tuah.TCP