Ka Zaamtak Ko Cang, Ralhrang An Rak Ra, Asi Kho Ti Lo

Home

Copy Paste- “Nangmah Kha Luat Dingin Tlanaw, Ka Celh Nawn Lo” Hakha Khawsung Ih Bomb Puak Pang Ruangah CDF-Hakha Mi 2 An Thi- Hakha khawsung Dawrthar veng, suakthuan tlawng (1) kiang, July 7 zan nazi 9 hrawngah ruahlopi in bomb a puak ih CDF-Hakha mi 2 an nunnak a liam tiah tualsung mi hnen ihsin theih a si. Bomb puak ruangih thi Salai Roland Kil Kam Thang le Salai Daniel ruak cu ralhrang pawl in an la tiah tualsung mi pawl in an sim.

Mizzima in CDF- Hakha theihternak tuanvo neitu pakhat an pehtlaihnak ah cun “Pakhat in bomb a kam ih mi 2 in a leng ah an hngak. Annih khalin hmun dangih bomb kam ding mi an keng. An pahnih in an ken mi bomb a puak ih pakhat cu a hmun ah a thi cih. A ruak cu sar ding um lo tluk a si. Pakhat a nung lai nan bomb kamtu in a cangcawi, ralhrang pawl in an dawi fawn ih hriamtuartu in i tanta men aw, a cang thei nawn lo, nangmah kha luat dingin tlan aw. Ka tuar thei nawn lo a ti ih anih cu a ra tlan suak thei” tiah a sim. Bomb puak ruangih thi mi pawl taksa an sar ih Hakha khawsung um pastor le khawnu khawpa upa pawl in July 8 ah an vuiliam tiah theih a si. chinlungtoday