Jesuh nih Ka Kutchung ah A Um Cangmi Na Thlarau Cu Ahohmanh Nih An Ka Chut Kho Lo Ati

Home

Jesuh Khrih nih KA KUTCHUNG AH A UM CANGMI NA THLARAU CU AHOHMANH NIH AN KA CHUT KHO LAI LO ATI-  Biatak kha nan hngalh lai I, cu biatak nih cun an luatter hna lai (Jn.8:32). and you will know the truth, and the truth will set you free.” BIATAK hi Jesuh asi. Jesuh athei I a zummi hna cu Jesuh thawngin luatnak an hmu. Cu luatnak cu:- 1. Kan Thlarau Hell in luatnak, 2. Hi vawlei kan nunchungah taksak nih aduhmi poh arak tuah tawnmi tuah tilo ding(sual thawnnak chung) in luatnak.

Pathian nih kan thlarau luatnak a pek cangmi kha minung nih kan thlarau cu na luat kho lo, Hell ah tla than ti khawhnak nawl a ngei lo. Amahbel, kan iralrin lo ahcun kan taksapum tu cu kan thurhnawmhter khawh. Pathian kutchung ah kan thlarau a um hnu ah Sehtan nih kan Thlarau kongah nawlngeihnak pakhat hmanh a ngei kho ti lo. Pathian kutchung ah a um cangmi kan thlarau kha Sehtan nih chut kho sehlaw, Pathian khamhnak le thawnnak cu Sehtan nakin pei a der deuh ne lai cu.

“An nih cu zungzal nunnak ka pek hna I an thi bal lai lo, cun, ahohmanh nih anni cu an ka chut kho fawn lai lo… Ka Pa zohkhenhnak chungin ahohmanh nih an ka chut kho lai lo. Ka Pa le keimah cu pakhat kan si” (Jn.10:28-30). Jesuh nih fiang tein achimmi cu, zungzal nunnak thlarau kong asi. Ahohmanh nih ka kutchung ah a um cangmi cu an ka chut kho lai lo ati ko bu ah kanmah minung menmen le Sehtan nih cun zeitindah kan chut khawh hnga… asi kho lo. Zungzal ca asi lomi taksapum tu cu ralrin lo ahcun Sehtan nih aduhnak poh ah a hruai khawh ve.

Thlarau khamhnak kongah Jesuh nih achimmi hi zum ko hna usih. Lungawtawm in ahohmanh um ti hna hlah usih, kan thlarau khamh asi cangmi kongah na lungrethei ti fawn hlah. Khamhnak atlau kho timi cawnpiaknak hi Jesuh Khrih cawnpiaknak he aa kalh mi asi. ceuuk