ISIS Nakin Ttihnung Deuh MIN AUNG HLAING ralhrang

Monywa Peng Ah Tar 3 SAC Ralkap Nih Mei In An Khangh Hna Pinah Inn 70 Leng An Khangh- Sagaing ramṭhen, Monywa peng Htanaungtawtaung(ထနောင်းတောတောင်) khuami kum 70 tluk tar 3 cu SAC ralkap nih mei in an khangh hna, tiah Monywa-Amyint Lan thawngpang fianternak phu in ṭuanvo ngeitu pakhat nih a chim. March ni 15 zing suimilam 6:00AM hrawng ah Monywa peng Htanaungtawtaung khua cu Monywa-Mandalay lam um Suanyehtet datsi dawr ah umhmun a khuarmi SAC ralkap 30 hrawng nih, an luhhnawh caah kum 70 tluk Pu Sein Lin, Pu Htey Maung le Pi Kuan Pone hna cu mei in an khangh hna pin ah inn 60 leng mei in an khangh, tiah theih a si.

“Uico ralkap pawl nih an khangh caah inn 60 leng a ciam. Cu leng ah khuami kum 70 tluk putar 2 le pitar 1 cu ralhrial in an zaam kho ti lo i SAC ralkap nih mei in an khangh hna. Pitar nu hi kan char lioah a nunnak thaw a um rih ko nain kan cawi i kan kalpi lioah a thaw a dih, tiah Monywa-Amyint lam phu in ṭuanvo ngeitu nih a chim. SAC ralkap pawl cu Htanaungtawtaung an khangh hnu in Tawpu khua chaklei ah an kir i, cuka hmun in cycle 15 in umhmun an khuarnak datsi dawr lei ah an kir, tiah theih a si. The Chin Post