Hakha Vok Zawtnak Phun Kong cu Saram Siibawi nih Achim

Home

Fidi Veterinary Supplies and Service Nih Hakha Vok Thihlohnak Kong He Pehtlai In Tanglei Bantuk In Ralrinpeknak An Ṭial- Hakha ah Vok rai a dih rih lo. An zawtnak a langh ning(sign) zoh tikah Thantlang i 2019 lio ah a rak cang mi rai he khan aa lo ngai. An zawt ningcang zoh tikah a hramthawk cu rawl ei lo in an um, a cheu cu an luak an luak, an chung a tlik, an tak a lin i nithum hrawng an zawt cun an tha a dih cang.

Zawtnak nih a den hna hnu an thih lai tibantuk ah a cheu cu an kaa le an hnar in thi a chuak, a cheu cu thi in an ek an ek. A zawtnak hi zawtnak phun thum hrawng aa cawh mi a lo(Lab ah biopsy kuat in kan check khawh lo caah ruahnak in a zawtnak min ṭial awk a ṭha lo). Cucaah vok zuatu hna i ralring hna usih. Rai a thian khawh nakding ah cun Hakha vok zuatu hna nih vok thar cawk rih lo a herh. A um cia mi vok pawl zuar dih ta asiloah rai in a zaw mi pawl an dih i a zaw lo mi pawl zong zuar in thah dih ta a herh. Cucaah tulio caan ah vok thar cawk hi a ṭha rih lo.TCP