Hakha Minung Cheukhat Caah ZAN HNGILH khawh Asi Ti Lai Lo

Min Aung Hlaing le a ralkap hna nih 2021 February 1 ni thokin kan miphun le ram cu sal ah ser ankan timh. Hriamnam bocha in mizapi an kan namneh caah CDF-Hakha zong nih hriamnam hmang in mizapi kilvennak cu kan tuah ve. Hakha khua chungah ralhrang pawl nih mizapi an namneh tuk cang caah CDF-Hakha nih hi cathanh chuah ni thok in ralhrang ralkap hna cu kan hmuhnak paoh kahdohnak kan tuah cang lai.

Ralhrang ralkap he rian atuan timi zong ralhrang ralkap bantuk in ruah nan si lai. Ralhrang ralkap nih mizapi cu ralphaw ah hmang in himnak an kawl I an uknakfehter an timh fawn. Cucaah ralhrang ralkap umnak pawngkam ah mizapi nan um nakhnga lo thawng kan in thanh hna.

Ralhrang ralkap he rian na tuan ti ruangah kut na tuar ah siseh, an umnak hmun, zung le sianginnn pawl pawngkam ah na um ruangah kahdohnak hna na tuar ah siseh, ralhrang ralkap le nangmah palh asi lai, CDF-Hakha nih tuanvo a lai lo. Kan ram le miphun a luat hlan lo nunnak thap in dohthlennak tuah ti ding in kan in sawm hna.