Hakha Khuapi ah Tha Tein Ralhrang nih FIMCAWNNAK an Kalpi Khawh Cang Lai

Atu caan ah cun, ANAK CU ANAK, ARANG CU ARANG ti caan asi cang. Hakha Rungtlang ralhrang nih Hakha Timit kuang Lei thlam ah a rak ummi thi lak in an rak hrem hna. Cu hnu ah CDF-Hakha pasaltha rual nunnak an pek. Sualnak zeihmanh an ngei lo ko nain Tlaih dingin warrant chuah ruangah mah inn le lo hmanh ah um ngam ti lomi zeimawzat an um. Hakha khuachung ah kahdohnak achuah bakah cun inn vialte kan in khangh piak dih hna lai tiah nai ah ralhrang an chimmi theih ko buin ralhrang kuttang ah rian ka lut than ko lai tiin biachahnak a tuahmi hna cu dohthlennak a tuahtu mipi kan ral an si.

Thantlang khuapi cu vutcam ah an canter. Nizan tiangah inn khangh an ngol lo. Thantlang khua inn le lo rumnak vialte cu um rih seh, pastor an kan thah piak, khuami an kan thah piak hna, mipi kan ralkap thah sawhsawh lawng hlah an hngawng an rak cik/tan dih hna. Nizan tihni ah Thantlang khuachung ah ralhrang  nih kan pasaltha pakhat sniper in an kan kah piak. Cutluk in a kan tuahto, an kan thah, an kan thah rih lai,  kan inn le lo vialte an khangh dih, an khangh cuahmah, an khangh rih lai.

Cubantuk uknak chiakha, uknak chiahru kuttang ah riantuan dingin ka kir than lai, ka tuan ko lai tiin biachahnak a tuahtu pohpoh cu ralhrang hnuzultu, an riantuannak, uknak afehtertu dingah bawmtu an si caah mipi kan ral an si. Dohthlennak tuah lio ah Min Aung Hlaing ralhrang khuakhannak acohlang mi le, ralhrang thlahlawh a ei mi cu Dohthlennak a tuahtu mipi kan ral an si.

Hakha le Thantlang pasaltha rual pazeizat riamruam dah an kan thah piak cang, Hakha Thantlang pasaltha hna nih uknak chiahru chungin kan luat khawhnak dingah minung pazeizat riamruam nih dah nunnak an pek cang. Cubantuk in mi nih nunnak hmanh an pek lio ah CDM kan tuah I, bawmhnak kan hmu lo, an chim bantuk in zeihmanh an kan bawm lo caah CDM kan tuah than ti lai lo I, ralhrang kuttang teah rian kan tuan than lai, lahkhah kan hmu than lai” timi  bia hna kan chim ngam hi cu, Dohthlennak a tuahtu zeirello taktak asi. Kan pasaltha/ nusaltha hna nunnak an pekmi an nunnak, an thisen zeirello asi. CDM an tuah hi mi hmaikhah lo ruang ah asi i, ralhrang uknak a ttanhmi an rak si ziar.

Cu caah ralhrang lei a dirmi cu ralhrang fale an si caah Dohthlennak kalh in a nungmi, nawlngai lomi poh cungah zeithil hmanh tlung ai kun, ilungsak te ko hna usih. Dohtlennak tuah lio ahcun a phung asi ko. Nawlngailomi cu fimtawl thluahmah ding a si ko lo maw. Nawlngai mi hmanh an kan thah, an kan khangh ahcun nawlngai lomi chinchin cu zuah ding kan si lo. Zeitintiah atu cu, ANAK CU ANAK, ARANG CU ARANG ti caan asi cang. VOC

Victor Khen Sang= Tei Hlan Lo Doh Ding- “Kawl Ralhrang Uknak” kan doh hi cu kan i palh hrimhrim lo, kan dohning (Strategy) tu hi cu kan i palhnak aum len ko ti cu el awk aum lo. Ralhrang uknak doh (War on Evils) cu atuantuk doh le atlaituk hnu doh timi aum lo, tei hlan lo doh timi lam pakhat lawng aum mi asi. Tilian atan lio mi nih ti lai ah va dir dingin ti tan phung asi lo, chuak lak in va tan lawlaw lo ahcun tan lo lawlaw ding asi.

Lihnin le meitlang puak harnak (Natural Disasters) nih ram an hrawk bal lo, minung sermi harnak (Men-made Disasters) nih ram le miphun an hrawk. Vulei cung ah Kawlram hi sifak bik ram kan sinak aruang cu lihnin le meitlang ruang ah asi lo, ralhrang uknak ruang ah asi. Cu ralhrang uknak doh cu adikmi ralthawhnak ( A War Justified) asi.Tei Hlan Lo Doh Ding!