Hakha, Falam, Mindat, Matupi, Tedim etc An Ralkap cu CNA lawnlawng Asi

Home

CNA hi aliamcia kum 30 khan Chin miphun le ram caah hriamtlai in nunnak thap in dirhmi a rak si cang. Kum 30 renglo Chinram caah hriamtlai in nunnak a pemi zong an tlawm ti lo. Cucu Kawlram uktu cozah pi nih a theihnak a sau tuk cang. Rampi cozah ralkap nih kahdaihnak tiang a serpi mi Chinram ralkap hriamtlai bu a si. Cu caah CNA nih cun Chinram chung na nana ahcun aduhnak hmun ah meithal he vahnak nawl a ngei i, aduhnak fing tlang le horkuang zohnak nawl a ngei.

Chin miphun si kan duhlo a titu Tefim peng miphun cheukhat nih anmah tein hriamtlai phu ZRA timi an ser ve. Cu hna cu miphun vengtu si loin India nih border security ah hman mi an si, an dirhmun ruah ah ningzak ngai an si. Cucu nihin tiangah miphun kilvengtu tiah an i ti ve peng ko. Miphun vengtu ti si loin India ramri vengtu phu/Min Aung Hlaing hmaisuang ralhrang ti sehlaw an i rem ngai hna.

Cu lawng hlah, 2021 Min Aung Hlaing uico nih uknak a lak hnu in miphun dawtnak he hriamtlai phu CDF,PDF tbk tete an um. Cu pinah miphun ralkap kan si, kanmah ram/peng hi kanmah tein kan i uk lai ti ruahnak he hriamtlai phu dang an um rih hna. Cu hna nih cun CNA dohkalh in cathanh an chuah, an aukhuang Nihchuak ngai an si. Kum 30 renglo kan caah nunthap in hriam aa tlaih cangmi CNA kha nizan lawngah dirhmi heh tiah an soisel, an doh hna. Mahhngallo timi hi mah hna pawl hi an si.

CNDF le MDF zong hi an au len ngam ding asi lo,Zeibantuk hriamtlai phu hmanh dir hna seh, CNA cungcuang in biachim ngam le CNA lonh in khuakhang ngamtu ding Chinram ah an um lo. CNA lawnglawng hi Chinram kan ralkap taktak cu an si. Federal Democracy a chuah tik zongah CNA lawnglawng hi Chinram kan ralkap tling taktak cu an si te ko lai.