Global Rawn Chin nih Hi Hna 2 Hi Debate cu Tawlrel Piak Hna Sehlaw

Home

BIBLE DEBATE HRIHNAK- Dear Global Rawn Chin Media, Acunglei biatlangpi he pehtlai in ”Khamhnak hi a co cangmi hna caah a tlau țhan khawh le tlau țhan khawh ti lo” kong ceihhmainak rak kan hrihhawh piak kho ulaw kan duh ko. A tlau kho ti lo a timi lei in Dr. Rual Uk, Rev. Hoi Cung Tum le Aung Myint Thang si hna usih law, a thlau țhan kho ko a timi lei in ai pe khomi nan von kan kawlhawl piak a hau hnga. Ahopoh nih kan zumhnak cu kan dirpi ngam le kan fianh cio a herh caah an i tim ve ko lai ti zumhnak ka ngei. Ahohmanh an i timh ngam lo ahcun dai tein um cang hna seh.
Upatnak he Aung Myint Thang

Saya Amos Thang Chin – ZUMTU KHAMHNAK A CO CANG MI NIH BIATAK A CHUAK TAK AHCUN A THLARAU A THI (KHAMNAK A SUNG)- JAMES 5:19-20- “Ka u le ka nau hna, pakhatkhat biatak in nan tlau sual i a dang pakhatkhat nih nan kirpi țhan tikah, misual kha aa palhmi lam in a kirpi țhantu nih, cu misual mi thlarau cu thihnak in a khamh lai i sualnak tampi ngaihthiamnak a umter lai, ti kha va philh hlah u”

HRILHFIAHNAK (1) “KA U LE KN NAU HNA”- James nih (Bible nih) Ka U le Ka Nau hna a ti mi hna hi Lawkih mi ansi lo. ZUMTU (Khamhnak a co cangmi) kha Ka U le ka nau (bretheren) a ti hna.
(2) “PAKHAT KHAT” Unau Zumtu (Khamh a co cangmi) chung in Zumtu Pakhat khat nih tinak asi (lawki a si lo) (3) BIATAK IN TLAU- Biatak in tlau..Greek in cun “Biatak in chuak i kaltak” (Wander). Biatak in lamtlau (stray) asi. Biatak in a tlau caah misual tiah ati.

(4) A THLARAU A THI- Zumtu (khamhnak a co cang mi) nih Biatak in a chuak i a kaltak ahcun a thlarau a thi. A thlarau a thi sullam cu a khamhnak a sung i hell ah a kal lai tinak a si. A pumsa thihnak kong a chim lo hi mu. (5) BIATAK AH NAN KIR PI ȚHAN AHCUN A THLARAU KHA THIHNAK IN NAN KHAMH ASI. Cu Misual (Biatak in a tlaumi) pa cu Pakhat khat nih a sualnak lam in Biatak ah na kir pi than ahcun A THLARAU THIHNAK in nan khamh asi. Cu Misual pa nih Ngaihthiamnak a hmuh lai.

DONGHNAK- Zumtu (Khamhnak a co ciami) chungin Biatak (zumhnak) in pial khawh le tlau khawh a si a fiang. Taksa thihnak a chim lo hih…a thlarau thihnak (khamh a sungnak) kong asi. Biatak ah a kirter thantu cu “Thlarau tlau tlaitu ( Evangelist) asi kha “PHILH HLAH U” tiah James nih bia a kan cah ta mi a si. Cucaahcun Khamhnak a co cang mi zumtu nih Buatak le Zumhnak in kan pial sualnak hnga lo Pathian Bia (Bible) i tlaih peng kan herh. Pathian sinah kan thlacam kan herh. Thiang Thlarau lamhruainak kan herh. Doctrine thalo i ralring i hrial kan herh. Pastor te le Saya te zong nih kan Tuurun biatak in an pialnak hnga lo Biatak cawnpiak kan herh. Kan tuurun zohkhenh kan herh…