Falam Pawngah Ralhrang Athimi An Tam Ngaingai

Kalay leiin Laitlang lei ara kai cuahmah mi ralhrang motor 30 renglo cu Falam an phan dengmang cang. Ralhrang cu CNDF nih an rak bawh hna I Zawnglei le Htin Shuu sakhan karlak ah bomb an chiahmi nih hmun hnih ah apuah hnawh hna ruangah ralhrang motor pahnih a rawk dih pinah ralhrang minung 13 an thi I minung tampi hliam an tuah tiah theih asi.

CNDF GS salai William Chin nih a chim ning ahcun ralhrang le kan naule biatak tein an I kap cuahmah lio asi caah zumtu vialte nih thlacam kan bawm uh. Cun mipi nih Falam khualtlawm lam  zulh rih lo dingin thawng kan in thanh fawn hna tiah a ti.