Falam Khuapi Alutmi Ralhrang hi HAKHA ah Lanhcolh Dawh An Si

dailychin Home

Nizan ah Vaar in Falam lei apanhmi ralhrang rual cu Falam khuapi an lut dih cang tiah theih asi. Falam khuachung an lut dih cang i Hakha khuapi leiah hmai hoih than colh dawh an si. Aliamcia kum ah Motor 50 hrawng Hakha lei an rak kai ahcun Falam le Hakha kar ah azarh bak an rau. Hmai an nor khawh tilo caah Hakha ralhrang 266 nih Hakha leiin an bawmh hna. Vansan chimpit ah Hakha an ra lut. Tutan zong hi Hakha 266 nih Falam leiin arami ralhrang hi an rak bawm than te hna lai caah kahdohnak hi cuhlan nakin a fak deuh khomi asi. Cu caah kan pasaltha hna caah zumtu nih thlacam cio ko hna usih. 

Pakokku Ah Tualchung Hriamtlai Pahkahphah Chungtel 5 Thah An Tong. Magway ramṭhen, Pakokku peng Myitchay(မြစ်ခြေ)- Kyunchaung hrambunh tualchung hriamtlai Daungyin Twe(ဒေါင်ရင်သွေး) pahkahphah chungtel 5 cu SAC ralkap nih March ni 17 ah tlaih in an thah hna tiah theih a si.
Kum 20 tluk simi Ko Makyi le Ko Yama(kum 22) cu raltuknak kong he pehtlai in thirleng he khualtlawn an i timh lampi ah SAC ralkap tlaih in an thah hna. An phone cu an laakpiak hna i bawmtu ding ah tualchung hriamtlai phu lei minung cu an auh hna, bawmh ding in a kalmi tualchung hriamtlai phu chungtel minung 3 cu SAC ralkap nih an kah hna caah an nunnak a liam ve tiah theih a si.

“An phone cu hmang in kan cycle datsi a dih caah kan put uh tiin an kan hlen, an kan auhnak hmunhma tiang kan phanh hlan lampi ah bawh in SAC ralkap nih an kan kulh i an kah hna” tiah pahkahphah lei hruaitu Ko Kyaw Kyi nih a chim. nBawmtu ding in a kalmi pahkahphah hruaitu telh in ralkap 7 nih meithal 2 lawng an i put, SAC ralkap minung thazaang 50 leng nih kulh in an kah hna caah minung 3 an nunnak a liam tiah theih a si. Tualchung hriamtlai Daungyin Twe phu chungtel 5 cu SAC ralkap kut in an nunnak a liam pin ah, luatnak a hmutu pahkahphah hruaitu telh in chungtel 4 zong nih kuan hliamhma an tuar tiah theih a si. TCP

KIA LE FPNCC NIH REMNAK TUAH TIMH (Trump tlaih an timh. Myanmar Election kong)- President hlun Donald Trump nih a Fb ah a ra laimi Cawn Nihnih(Tuesday)ah tlaih an ka timh ti’ah a tial.Mah hi New York ummi Manahattam District Attorney George Soros nih a thlithup in Order a chuah cang ti’ah a chim. Sual an phawt nak bik cu Kum-2016 Thimnak (Election) lio’ah khan Film star muidawh Nuthlawi/Lengleh Ms. Stormy Denial nih cun Trump nih Nuva sinak Nungak/Tlangval bantukin a ka tuaitam (ka zei mawlo man ti dawh si,) ka herhbau/leiba chamnak dingah $140000 kaa huh nakah zik -nawh a rak ka pek ti’ah NewYork Court ah a rak khing pinah Media hmai’ah phuan nak a tuah.

Cu kong cu Pre hlun Obama le Nancy Pelosi hruaimi Democrats pawl nih an aupi cawlh.Cu kongah Nancy Pelosi nih cu a Fb Caa hmai’ah a ho hmanh Phunghram cungah kan um loh.Dan tangah Mipi kan i tlukrual dih.Dan/Law ningin Trump cu tlaih ding asi ko a rak ti chih ve len.

House Speaker Kevin McCarthy nih cun a Fb ah Trump hi 2024 Thimnak tel kho lo le, lih le hrawkhrawl in minchiatter an timhmi asi ca’ah Nawlngeitu Committee pawl sinah zoh tha’n cawlh dingin nawlpeknak ka chuah ati ve. Tu bantukin Trump hi Cases siam piakin an tlaih tak tak asi’ah cun, USA tuanbia ah President hlun an tlaih a Vawikhatnak asi lai.

Van zoh rih hna usih. SAC le NUG nih an Pathian bantukin an i cuh mi China nih cun EAO’s Tlangcung hriamtlai pawl a thim diam ko ai. March 16-17,2023 ah khan China’s Asean Palai thar Mr.Deng Xijun hruainak thawngin UWSA Hqrs. Paan- San ah Northern Alliance, “Federation on Peace and Negotiation Consultative Committee(FPNCC) nih SAC he remnak tuah i, Myanmar ram Rem daihnak dingah Tlangcungmi hriamtlai lawng nih kan hruai hna lai ti’ah 7-Points Agreement an siam. NCA minthutnak ah a tel ve lomi hi Northern Alliance FPNCC a telmi hna cu ;-

1. UWSA( Ralkap Estimates 40000-Reserve- 20000) 2. KIA ( 20000- Resv -6000) 3. SSPP (15000-18000)4.AA(20000-Res-5000)5.TNLA (6000) 6. MNDAA (5000) le 7.MDAA(4000) an si hna.
Hi hna lakah UWSA le KIA nih hin ralthuam ser nak an nei hna i, MNDAA nih hin AA le ABSDF, PDF pawl sinah Ralthuam le Kuan/Bomb a pek chanh biktu asi ti’ah theih asi. Hi hi China nih phih kanh a timh cang.China Envoy Deng Xijun nih hin February thla ah khan KIA Hqrs Laiza le UWSA Hqrs Pang San, MNDAA Kokang,DNAA- Maingla ah a rak kal cang hnu’ah December 22 le March-6,2023 ah khan MAH he biaceihnak an rak neih bel cang.

Palai Deng nih hin NUG nih USA Washington ah Zungpi an hawn hnu’in an lungtling ti lo pinah Burma NDAA Acts. ah NUG an pekmi hi a duh loh.mah NDAA Acts hi tuhlan Kum saupi US nih Tlangcung hriamtlai pawl a rak pek tawn pengmi asi i, Tukum lawng ah NUG hi pek ve dingin a telh ve mi fang asi.. Cuca’ah NUG nih US ah Office an nei’ah cun, an in bomhnak Poisa$$$ vialte an in ei piak dih hna lai. Kumdangah cun NDAA Acts Bomhnak US $-350 millions pek asi tawnmi kha Tukum ah cun $-130 millions lawng pek asi( Ukraine bomhnak pek tam ruangah) ti’ah Envoy Deng Xijun le Tlangcungmi hruaitu pawl biaceihnak ah an chim fawn.

Kan Pu Tawi MAH nih Independent Ni ah Vaw -leicung theih in 2023 ah Thimnak Election ka tuah bak lai ti’ah aa hrocer lenmi cu 2024 tu ah Milu relnak “Census” tlamtling te’in tuah a tha lai ati tha’n ca’ah Thimnak hi 2025 hrawngah an tuahte hmanh maw? ti’ah mitampi ruah damh nak an nei. Sihmanh sehlaw, atu lio MAH”tapih” USDP Chairman U Khin Yi le Vice-3 Ex- General Myo Zaw Thein le nih Yangon, Rakhine ramkulh ah Election Campaign an tuah cuahmah mi zoh tikah 2023 Tukum chungah tuah an timh ti cu a fiang ngai ko.

Tuchun Ni tiang National Party-7, Taing/Divisional le State- 20 nih Union Election Commission(UEC) ah a thar in Min pek thannak Registration an tuah cang i, hmaizarh chungah Party zeimawzet nih min peknak tuah an i timh ti’ah theih asi. National Party minnei deuh pawl cu Ralbawi thing pawl USDP, PM hmasa bik U Nu fanu Daw Tan Tan Nu hruaimi MPDP, 8888 hruaitu U Ko Ko Kyi i PP + FDP, UDP(နှင်းဆီ ပါတီ🌹) thar NNDP, PLO hna an si.

Regionals le States Party ah cun Rakhine in Dr. Aye Muang hruaimi AFP, ANP le Khami Chin NDP, Kachin in New KNDP, KSPP, Mon MUP, Shan SNDP,Shanni Taiyan Solidarity Party, Pa’oh NLO, Lishu NDP, Karen NDP le a dang pawl cu an min an langhter duh hna loh. State lakah Mi nung Ting- 5 hrawnglawng a ummi le a sifak bik mi Karenni le Chin in atutiang ah zei Party hmanh nih min- pek Registered an tuah rih lo na’in tlawm pal ah cun, thawngpang thar a um men te lai.

Chinmi lakah Party lianbik CNLD cu Register tuah ding ah Mino hruaitu tam deuh nih an duh lo i, Upa cheukhat zongnih Security kongah an duh lem loh ti’ah theih asi i, min an pek tha’n asi hmanh ah Party minthar in maw, si lo’ah Chin Party 🇫🇷 thar zong Ralkap MAH le USDP doh dingah an dirte kho men. Zeikhawm siseh law, 2023-25 va si zongah “Varit maw na duh deuh Cepaa🐁” thla rak kan ti hna seh -law kei cu “Ar-khong🐓” kai thim bak laa. MC Biklian