Evan Tial Lian Thang: 2004 ah ChinTube khi Ka Tuahmi Asi (VIDEO)

Evan Tial Lian Thang nih fiang tein a chimmi cu, “Tulio alar ngaimi ChinTube khi 2004 ah keimah nih ka rak tuahmi asi. Ka naunu nih a ka hal i ka pek, keimah nih register ka rak tuahmi asi. Culawng hlah, Lai MP4 zong a um rih, hiti ka chim tikah phorhlawtnak ah asi lo, social media kha zeitlukin dah caan ka rak pek cang ti ka chim duhmi asi” tiah a chim. video zohnak

ChinTube- Ka ngakchiat lio te in video zeih le script tial ka rak huam tuk. Ka Nu le Pa nih ka huam tuk mi kha an theih I camcorder fa te an rak ka cawk piak. Cucun ka nau le ka hawi le tbt acting ka tuah ter hna le video ka zeih tawn hna. 2010- Ka hawi le ka chung le nih ”na tuahmi thil pawl hi pahrang na ngei, YouTube channel I tuah law a tha lai” a kan ti. 2013- Ngamh lo bu tein “ ok, ka thawk cang ko ne lai” ka ti, zeitin dah a min ka bunh lai ti kha sau ngai kan rau. Ka Nau Crosspar Mawi he min tampi kan vun ser I top 3 kan vun chuahpi cucu ChinTube timi min ai tel.

Innchungkhar thlacamnak ah Ka Nu le Pa ka chimh hna I Ka Nu nih ChinTube kha a uar kho tuk. ChinTube kha a tha tuk, mah khan saa a ka ti cun ka nau nih midang nih an hman cang sual hnga maw tiah research a tuah, an hman lo caah kan lung tling I Pathian sinah apnak kan ngei. 2015 -Liberty University ka kai lio ah “ChinTube” ti min bunh in YouTube channel le Facebook page cu ka vun ser. First video ka vun chuah. https://youtu.be/URGVTEsIYBQ

Camera tha ka ngei lo I U Mawng nih a camera thar te kum 2 chung a ka hlanh ♥️ Thazaang a ka pe pengtu ka Uu asi. Cun U Van Styn nih a camera kum 3 chung a ka hlanh rih. 2018- Kan miphun chungah hla thatha an chuak I acknowledgement tuah kho usih law a tha tuk hnga ka rak ti. Media pahnih ah online ah award an peknak kha ka rak hmuh pah nain content base award i pek kha ka hmu lo. Tahchunak “song of the year” music video of the year” “album of the year” kha a rak um lo .
Honey KhuaitiZuu le Artist pawl he bia kan rak I ruah hna le “content base in award I peknak khi um kho selaw tha tuk hnga” ka rak ti cun amah nih “nangmah tuah ca” a ka ti le ka lau tuk.

2019 – (Tawi fiannak in) A voikhatnak kha online in kan tuah I kan tuah vevek ahcun category pathum lawng cu ai laklawh ka ti I “Artist” le a dang dang kan vun chap 2020 January – Ka Nu nih online lawng in cun na tuah, ceremony lawlaw in na tuah ah a tha cu a rak ka ti I “a ngan tuk, ka ngamh lo” ka rak ti. Thla 4 liam hnu ah U Vanceuuk he family barbecue kan kal pah in motor chungah “Ziah online lawng cu, ceremony na tuah lo” a rak ka ti. “Ka ngamh lo nain nangmah he kan tuah ahcun ka ngamh ko hnga” ka rak ti.

December 2020 ceremony cu kan vun thawk. A voikhatnak bik Chin nih tuah mi award ceremony asi caah kan lungrethei pah nain team maak tuk mi (Host: Jay, Susan, Red Carpet: Bawi Tin, LylyPar, Backstage Beth, Stella, Zaitin , CEBC Media Team an thazaang an chuah cio nak thawngin kan hlawh a tling. 2022- December 10 Aizawl ah PCA tuah dingin kan I tim. Theitlai tha tampi chuah khawhnak dingah nun apnak le thlacamnak kan ngei peng. Pathian nih a kan zaangfah I kan thlacamnak a kan leh.

Show hlan pi ah group song “we are the world” sak dingah organizing committee kan lung a tling.
Kai ngeih tuk , a ruang cu a satu he a hla he a poh bak lai ti ruahchannak ka rak ngei nain rehersal caan tha tein kan ngei lo caah I timh ning in tlam a tling lo. https://youtu.be/vfmpJS4q8PQ
Mah group song performance kai lung si lonak kong kha U Cz Ralte (event coordinator) ka chimh le amah nih a poi lo a đang tha tein kan tuah than ko lai, phang hlah a ka ti. “Kan tuah kho than te hnga maw, zarh 2 lawng Aizawl um ding ka si càng I “ ka ti. U CZ nih “phang hlah ka rak tawlrel lai” a ka ti cun kan bia kha a dong.

December 20: Lai tlang lei ka tlawn chung ah U CZ , Ka Nu le U Dadeo Cer kha Aizawl ah meeting an rak tuah. “Chinlung Chuak Artist” timi group ser dingah bia an rak khiah. Cucu first project ah “we are the world” kha tha tein I zeih than dingah an lung tling. Phone in a kan chonh le thawng a kan thanh (Victoria camp ka um lio asi caah line a tha lo) Aizawl ka vun phanh in kan I meeting colh le arrangements le Artist min list kan vun tuah colh.

Kei kha US kir cang ding ka si nain U Cer nih “na taang rih a hau ko eh, a biapi tuk mi project asi hih ” a ka ti caah Korea le Japan kal ding kha kai let i ka taang. Cun Zoramchanni, U Thawngbawi le Réma he kan I meeting than. 2023- Kei US ka kir I US/ New Zealand Artist ka tawlrel hna cun anmah nih Aizawl airtist. February 1st ah kan chuah khawh ahcun a tha tuk hnga ka ti I thlakhat lawng cawlcanghnak caan kan ngei🥲(next project cu deadline I pek ti lo ding 😅) Pathian lam hruainak thawngin kan ram le miphun kong international news sinah a phan. Pathian thawngin asi cun Pathian nih the right people at the right time a kan fonhnak thawngin asi fawn.

Kan ngakchiat lio media a rak laar hlan thazaang a rak ka pe peng tu ka hawi le ka Khrihfabuu CBMC thawng zong in asi, Pathian nih thlacam a thawng tuk mi physical/spiritual father (Sailo Pa) a ka peknak thawngzong asi, I a tha bik ka si khawhnak dingah push pengtu, dirhkamh pengtu manager mom (Sailo Nu) a ka pek thawng in asi fawn. A herhnak paoh ah a ka bawm pengtu unau a ka peknak thawngin asi.

Ka ngakchiat lio in a tu tiang ka rak tonmi minung vialte fim a rak ka chim tu, thithruaitu , dirhkamhtu vialte an product ka si ko. Kei cu Pathian caah vessel lawng ka si ko. Ka dam chung paoh cu Pathian ca le ram le miphun caah nun a rak I ap cangmi ka si. A bik in Pathian ram caah (nain Pathian dawtnak a thei mi nih cun ram le miphun dawtnak zong a ngeih hrim a hau- ai tlai dih) [Ka kalnak tete ah ChinTube le We Are The World ai thawk ning tbt a kan hal tawn I hika hin ka vun tial lawlaw. Thazaang petu vialte cungah kan I lawm tuk. Sunparnak vialte Pathian nih co dih seh “Amah” “anih” tuah mi si loin Pathian tuah mi lawngte asi ko. Rosie Bawithapar

NUG le Tlangcungmi Ralhrang Kan Doh Ning An I Dang Sual Maw? Tlangcungmi Nih Panglong le Federal Caah Ralhrang Rallokap kan doh I NUG nih DASSK luatnak caah Ralhrang Rallokap an doh ve sual maw? Tlangcungmi bantukin Kawlte GZ mino tampi hi Panglong le Federal caah Raldohmi an si ve. Kum 75 Kawlram dam lonak le Kawlram ṭhancho lonak cu Panglong hrawk ruangah le Federal pek duh lo ruangah asi ti kha GZ mino nih an hngalh cikcek dih. Hriamnam in Dohthlennak an tuah hlanah GZ Muko cu 2008 Phunghrampi cihmih: Ralhrang kip le Anaasin kip Cihmih (Rallokap + Civil Anaasin): Federal Democracy Ramkomh Siam ding. DASSK le Tamada telin, Hramhram in tlaih mi vialte thlah dih ding ti asi.

Tlangcungmi GZ caah Anaasin kongah an MUKO cu Democracy Anaasin, Federal Anaasin, Biaknak Anaasin, Nunphung le Caholh Anaasin, Pumpak Anaasin tbk vialte cihmih ding ti asi. Kawlte GZ he an muko aa dang khawh men. CHIN GZ nih hriamnam in Dohthlennak an tuah mi cu hi an MUKO ruangah asi. NLD, NLDCEC, NLDCWC, DASSK, NUG, CRPH NUCC, ICNCC tbk caah Chin GZ nih kum 2 Ralhrang SAC andoh lo timi cu Cite liak mi poah nih hngalh mi cu asi. Panglong / Federal hlawhtlin ter awkah Raldoh asi.

CRPH NUG NUCC ah Chakhri tlaih tu le Chakhri merhtu, NLDCEC, NLDCWC, Ex. MP U Aung Kyi Nyunt nih DASSK telloin Federal kong kan ceihmai khawh lo a ti. Tlangcungmi le EAOs nih Federal hmuh nan duh ahcun DASSK luat awkah ral kan doh piak uh law TEI Fawn uh. DASSK (Peahen) a luat in Kawlte le NUG duhning in tuah mi (Tlangcungmi duh ning in asilomi) Federal pennak ah kum 10 um uh law, nan duh ti lo ahcun Uk Sang Biakamnak bangin chuak ko uh tiah AKN nih a ti. DASSK caah Pau Dohthlennak a ti.

Chin Kachin Karen Karenni miphun nih Kum 2 chung ah kan pekchan mi thisen le nunnak tampi cu Pakpalawng ah U Aung Kyi Nyunt nih a tuah ko. Nan lungfian ko lai. Tampi kan ṭial ahcun Negative ah Ak Ak pue nih an ruah sue laa. NUG nih Federal Charter 1 & 2 cu Panglong bantuk asi I Tlangcungmi le Kawl miphun karlakah Voi 2nk biakamnak an ti nain, Cuka ah Panglong rim le Federal rim a nam bak lo. Self Determination timi Mah tein khuakhan lairelnak atlau. Tlukruannak timi Equality le Equity aum bak lo caah EAOs nih NUG he Pumkhat le thinkhat si ti loin Mahamei timi Alliance lawng an si. Alliance ciocio ah CNF alliance lawng hi adikmi asi I adang EAOs he Mahamik (Alliance) cu aa phundang. Permanent Alliance siloin Vulnerable alliance asi. NUG hi Federal an duh lo caah DASSK siorawl ah an ser maw??

KIO Luzik Gen. N Banla nih a timi cu NUG NUCC CRPH ah Chauvinism timi Miphun thleidannak aum caah pumkhat kan si khawh lo a ti. NLD cozah ansi tikah DASSK le NLDCEC tawn awkah Gen. N Banla cu Nipidaw ah aa thawk. DASSK, MAH, NLD le USDP cu an za tein Federal an duh lo, Panglong an huat tuk. Kokek Panglong hrawk an duh caah Panglong deu an tuah I, 21st Panglong Conference an tuah tiah Gen. N Banla nih Kachin Mipi cu a ti hna.

Cuticun Nihin tiang Kachin Miphun nih an zulh. NUG mi lule, Rulpuar nakin a fimzer dueh mi U Aung Kyi Nyunt biahla le NUG Policy hi Kannih CHIN Kan Dr te nih mipi sinah an kan chimh ve bak lo. Rulbang a fim I Ṭhuro bang a nunnem lomi Kawlte hi NUG ah an tam tuk men lai. NLD le DASSK caah Raldohmi kan si ahcun ka capar ah kan lungdong lai i Panglong le Federal caah raldohmi kan si ahcun kan thazang le thawnchin nak asi ve lai. Comment ah AKN bia ka thilh chih.