Elon Musk: Twitter nih Trump an Rak Phih Hi An Palh Bak, Keimah nih Ka On Piak Than Cang Lai

Vawleicung mirumbik tiah ruahmi Elon Musk nih Twitter cu a cawk cang. Acawknak in thlakhat fai lawng asi rih. Elon nih a chimmi cu, cuhlan ah Twitter nih a rak khammi hna minung tampi an um. Cu hna cu asi khawh chungin an account on piak than asi lai. Zeitintiah mizeipoh nih free speech hi kan upat awk asi. Aliamcia kum 2021 ah Donald Trump twitter account cu an rak phih piak. Donald Trump account an phih piak mi hi a dik lo.

Keimah nih cun  Trump account hi ka on piak than lai I, zalong tein a hmang kho than lai tiah a chim.  Musk nih Financial Times ah a chimmi cu, Trump an rak phih kha  ruahnak diklo le hruh ruangah a rak si. Permanent/zungzal caah phih piak timi hi cu mizei an si hmanh ah an har ngai ngai lai. Trump an rak phih cu an rak palh bak ko. Cu caah keimah nih cun ka on piak than lai ati.

Aliamcia zarh ah khan Trump nih a rak chimmi a um. Zeitindah a rak ti ti ahcun, Elon Musk cu mitha asi. Atu cu amah nih twitter aa ngeih cang lai. Twitter account an ka phih piakmi kha a on than zongah twitter ah cun ka kir ti lai lo tiah a chim. Trump nih cun keimah ka social media ah ka um cang lai, mizei social media platform hmanh ah ka um lai lo ati.