Dr.Sasa nih CNA,CDF pasaltha 10 Athimi Hna Chungkhar Sinah Hnemhnak Ca Akuat Hna

Chinram le kan kawlram pi caah nunnak  a pemi hna pasaltha nunnak a pemi  hna thawngtheih ah ngaihchia tuk hringhran. Kan ram nih zalonnak, mah tein khuakhan lairel khawhnak, itlukruannak, Federal Democracy le kan hmailei niceu dawh kan hmuh khawhnak hnga caah pasaltha hna nih an nunnak an pek hi asi. An nih cu kan Chinland le kan Kawlram pumpi caah kan Heroes an si. Nunnak a pemi hna kan pasaltha hna sinah leiba tampi kan ngei.

Nihin ah kan ngaih achiat cuahmah ko buin kan caah nunnak a pemi pasaltha bawino Van Biak, Run Thawng Hup Lian, Biak Hlei Sang, Zo Lian Thawng, Thawng Tha Peng, Dawt Tha Cung, le Tha Hlei Sang hna nih myrtyrs in ram le miphun caah nunnak an pekmi ruangah   upatnak kan pek hna. An nunnak an pekmi, an thisen man hi a lak asi hrimhrim lai lo. An tuarnak, an I peknak hi Daihnak achuahtertu, zalonnak achuahtertu, Fedral Democracy a chuahtertu  thlaici ah aa cang lai. Nuam le hngangam tein nan thlarau I din ko u.

Cu lawng asi lo, ka lunglomhnak langhter than ka duh. Nihin ah miphun le ram caah nunnak pek in hriamtlai mi CNA/F, CDF, ERO/EAO, PDF, CDM, le LDF vialte hna nihin ah uknak tha lo nan dohmi cungah ka lunglawmhnak ka langhter than. Nan dihlak in kan ram le vawlei caah Heroes taktak cu nan si. Bawipa nih nan dihlak thluachuah inpe ko hna seh