Dr.Sasa: Bawipa Sin Thlacamnak nih Zeipoh Hi Athlen Khawh Ko

Home

Dr.Sasa- Pathian sin ah Lungtak thlacamnak nih cun kan hmaika ah aa chong mi khuaruahhar  tihnung le thatlonak thil hmanh kha tei in a tlen khawh dih.

Kanpi Suu He Biaruah Loin Kawlram Na Dam Ter Khawh Lailo Tiah MAH Cu An Ti- ASEAN Palai Prak Sakkhon le Tuluk Mifim Mr. Wanyi, Ramdang Minister cu Kawlram ah an rak tlawn. Kawlram hi dam seh, Ṭhancho seh, ti na duh ahcun: Daw Aung San Kyi he tawn biaruahnak nan ngeih lai tiah an pahnih tein MAH cu an ti ta. Kan Pi Suu tel loin, NUG he siseh, PDF he siseh, nan I tawn zong ah Kawlram damnak nan hmuh khawh lai lo i, Democracy ah nan lut khawh lai lo.

Kanpi Suu he biaruahnak ngeih awk ah MAH cu an pahnih tein an forhfial. Nain MAH le Ralhrang nih; Kan Pi he an tawn ter hna lo i, a sihni hna he zong an tawn ter duh hna lo. Zaw Me Lung nih Misual thongthlak mi, Tazacuai lio mi, Hriamtlai in ralhrang a ṭuan mi he bia kan i ruah khawh lo, Nannih zong nih nan tawn khawh hna lo, Upadi nih a duh lo, phung nih an onh hna lo tiah a leh hna. Lih le hrawkhrawl hi a tirawl asi mi ZML asi.

Mr. Prak Sakkhon cu MAH, Wanna Mg Lwin (Ramdang Vuanci), U Ko Ko Lwin (Ramdang he pehtlaihnak zung Vuanci) le Bochu Zarpit, Ramkhel Party 7, NCA chungtel EAOs phu 7 a tawn hna. MAH he suimilam 2 chung bia an i ruah. Mr. Wanyi cu Wanna Mg Lwin he lawng an I tawn. MAH he an I tawn le tawnlo an phuang lo.

Ramkhel Party 7 le NCA chungtel 7 hna nih: Kanpi Suu telin, aatel ding mi vialte I teltum dih mi PEACE Talk le tawn biaruahnak lawng nih Kawlram a dam ter khawh lai: Kanpi Suu lawng tawn ah: Kawlram adam khawh lai lo: Kan NLD chan tawn biaruah nak cu MAH le Rallokap ruangah a tlamtlin lo, MAH hi NCA le 21st Panglong Conference lio nakin a lung aa thlen deuh cang. Cucaah, Kanpi Suu he lawng I tawn loin aa tel ding mi vialte le MAH he biaruahnak lawng nih Kawlram a dam ter lai tiah Mr. Prak Sakkhon cu ruahnak an pek.

NUG le PDF / CDF / LDF nih; MAH le Ralhrang he biaruahnak kan ngeih khawh lo. MAH nih 2008 phunghrampi aatlaih I, kannih nih 2008 phunghrampi kan thah cang. Kan NLD Party cu Upa le Luban hna thongthlak dih an si, Tazacuai lio asi caah Tawn Biaruahnak ah; ai awh tu kan ngeih lo. NLD Party I tel khawh dawh an si lo. NUG nih NLD cu a ai awh khawh lai lo maw ti ahcun: asi khawh lailo, NLD cu CEC hruainak in kal asi. NUG he an lam a dang. NUG le PDF tu nih cun: Mipi nih I tawn uh an kan ti ahcun: MAH he bia kan I ruah lai. Culocun MAH he biaruah nak kan ngeih khawh lo, ahlan lio kan policy ning tein asi ko lai tiah bia an thlah ve.

NCA chungtel lo le NCA in aa phuah mi EAOs le an fale CDF /PDF / LDF nih an ti ve mi cu: Mah tein khuakhan Lairelnak an kan pek lawng ah MAH he I tawn khawh asi I, biaruah khawh asi lai tiah, an Policy ning tein an kal rih ko. ASEAN Biachahnak (5) tlin ter le 2008 phunghrampi tang ah tuah ding mi PEACE le Biaruahnak cu: Kanpi Suu an thlah I, biaruahnak an tuah ter zong ah: Sullam a ngeih lailo, Kan zapi tein: Aa tel ding mi vialte I telnak in Kawlram damnak kan kawl lai timi nakin; State ah power aum mi; Federal timi: Mah Tein Khuakhan Lairel nak pek ṭung lo ahcun: sullam ngeih lailo: A hlan bantuk kan si ko lai. Kan chim voi hra, kan phan Hranghring asi ko lai.

Aa tel ding mi kan I tel dih kha abiapi asilo. Pine (State) ah Nawlngeihnak full a um mi, Federal: Mah tein khuakhan Lairelnak pek kha a biapi bikmi asi. Aa tel ding mi vialte kan I tel dih lai ti zong asi khawh lailo. Kanpi Suu nih ram a hruai lio le Tamada Thein Sein chan zong ah aa tel ding mi vialte I tel dih timi mumal in rak kal asi nain, kan hlawhtlin khawh ballo caah, zapi tein I tei dih timi policy hi a si khawh men lailo.

PEACE le Biaruahnak lawng tuah zungzal in; Federal pek lo ahcun: Bambok le Mantak kha an si zungzal ko lai. Aithing mehang so asi zungzal ko lai tiah MAH Peace ah aa tel duh lomi EAOs le CDF / PDF nih an ti ve. 2008 phunghrampi kha fek tein aa tlai rih mi MAH asi caah (NUG zong hi 2008 phunghrampi rim a nam tuk rih caah): MAH le Rallokap nih Ramkhel in zungzal kan chuak lai tiah biakamnak a ngeih lawng ah biaruah ding asi lai tiah Policy le mumal dundan a ngeih mi CDF / CNDF / LDF / PDF lawngte an si.

Kawlte PDF hna nih an chimh mi hi: Kawlte Politicians rual he aa dan ngai: NUG he zong aa dan deuh ve. An timi cu: ASEAN le Tuluk nih tawn biaruahnak an ti mi: aa tel ding vialte I tel dih timi hi: Rallokap le Civil aa cawh mi Uknak lei ah; kalpi ṭhan an timh bia asi. NLD chan ah Kanpi Suu hruainak in an tuah mi Biaruahnak hmanh kha hma a kal lo ahcun: Hi zong hi Tlangcung mi caah; sullam ngeih lo asi lai. Kanpi Suu le MAH bia an ruah zong ah, Hlah cozah lei ah kir ṭhan asi ahcun; GZ mino nih kan duh bal lailo. Tlangcung mi caah cun chimh awk aum ve tilo. Cucaah Ralhrang an cihmih tiang doh law law lawng ah Kawlram nih dam pian nak a hmuh lai. Nain mipi nih bia I ruah ko uh, Rallokap he, kan ba tuk cang, nan kan ti ahcun; kan I tel ve ko lai an ti.

ASEAN Palai, Mr. Prak Sakkhon nih, a ra lai mi ASEAN meeting ah SAC Ramdang Vuanci Wanna Mg Lwin kan sawm lailo tiah a thanh cang. Kanpi le a sihni hna he tawn ter an duh lo. Misual dantat lio mi, thongthlak lio mi hna le ralhrang hna he tawnnak nawl kan in pek khawh lo tiah Rallokap nih an ti caah, Kanpi Suu tal an luat ter lai I, amah he biaruahnak an ngeih khawh nak hnga tiah mah Bantukin Pressure a pek ve hna. Mr. Prak Sakkhon duh bik mi cu: Kanpi Suu he biaruah uh, Keimah le Kanpi Suu ka tawn ter uh, ASEAN biachahnak 5 tlin ter bak uh ti hi asi. ZTC