Dr.Rual Uk le Dr.Stephen Hre Kio nih Pastor Rian An Hmuh Ning Aa Khat Lo

Home

Khrihfabu cu Pastor nih si loin Khrihfaupa nih a hruai awk asi. Pastor nih cun Pathian biatak in members khim tein a cawm hna kha arian asi. Dr.Rual Uk video zohnak

Khrihfabu cu pastor nih hruai awk asi, pastor cu khrihfabu riantuantu dingah chiti thuhmi asi. Khrihfaupa cu pastor riantuan bawmtu men an si. Dr. Stephen Hre Kio video zohnak

Pastor Kong ah Acohlang Kholomi kan um Sual Maw?– Bible pakhat kan itlaih ko nain Hmuhning aa lo cio lo, pomning zong aa khat cio lo. Keimah ka pomning le ka kalning zong hi mi tampi pomning le kalning he aa khat lem lai lo. Bible biakam Thar ka zohtik ah Khrihfabu thithruainak kongah ka hmuh ning tlawmpal ka langhter than lai; Khrihfabu ah Pastor hi members Hruaitu Lutlaibik asi awk si loin, Members thlarau nun cawmtu, members thlarau tirawl khim tein a petu a si deuh awk asi. Cu cu Bible nih fiang tein Jn. 21:15 ah alanghter. Jesuh nih Peter cu, Na ka dawt ahcun Ka Tuu cawm hna “And he said to Jesus said to him, Feed My sheep”. Cun Lam.6 zongah zultu hna nih fiang tein an rian kha an langhter.

Afiang tuk ko mi cu pastor cu khrihfabu chungah members khim tein Pathian bia in a cawmtu ding, thlarau tihal rawltam mi Pathian bia in a cawmtu, le taksa le thlarau in a tlu ril mi hna azohkhenhtu, cawnpiaktu dingah hruaitu asi deuh ding tu khi asi. Khrihfabu admin leiah hruaitu ding taktak cu khrihfaupa an si deuh awk asi. Zeicatiah hruainak kong cu Admin/administration he aa pehtlai deuh mi asi peng. Upa cu aherh ning bantuk in khrihfabu caah kawlhawltu, thazaang chuahin rian tbk tiang tuantu asi lai. Khrihfabu members kha Pathian bia in a cawmtubik asi awk asi ve lo. Zeitintiah bible nih a khinhmi rian aa dang deuh ve.

Pastor nih admin kong buaipi tuk ding asi lo, khrihfabu ah riankhinh mi upa hruaitu an um. Cuti ka chim tikah pastor kha khrihfabu riantuannak ah upa he riantuan tti hlahseh ti khi asi lo. Members a cawmmi hna caah Aherhmi, athami ruahnak cu chuah peng ding asi. Khrihfabu ah admin tiang tlaih chih belte aa tim awk asi lo. Cu caah Pastor cu khrihfabu Thlarau in cawmtu, zohkhentu le cawnpiaktu asi caah aa khinh mi rian cu luhlinh in atuan lai i akun hnawh awk asi.

Khrihfabu cu adum/ alo asi caah adum chung thlai athan khawhnak dingah belh thlawh i thlai hramvurh lawng kha arian asi, lohma dang angeih awk asi ti lo. Cuve bantuk in khrihfabu members zong nih pastor cu khim tein a chiah ve awk hrimhrim asi. Pastor nih member cu thlarau thinlung le taksa in khim tein Pathian bia in a cawm bantuk in members zong nih pawkhim tein pastor cu a chiah ve awk asi. Cucu bible nih fiang tein a chim. Cucu thlahlawh si loin tuanmantu asi lai.
Note: Hi hi Local Church asi ah Centralization asi pekah mahle khua cio khrihfabu ah kalpi dingah cun atha bik ko tiah ka hmuh ning asi. c-u