Dr.Fauci le US Health Officials Pawl An Mualpho Taktak Cang

Nihin ah US thawngzamh lian pakhat ET nih alanghter ning ahcun, aliamcia kum 2 ah Dr.Anthony Fauci le US ngandamnak lei hruaitu hna nih Covid-19 pulrai zawtnak cu China ramin aa thawk mi asi lo, amah tein a chuak mi, saram pakhatkhat in minung cungah a tlungmi zawtnak asi tiah an rak chim. Mah khakha anmah pumpak irunvennak lawngah siloin Chinese Communist Party an rak humzualnak tu a rak si.

Atu cu US spies/thlithup ngiahlaitu hna nih China Wuhan Lab in a chuak mi asi timi tehte an hmuh chin lengmang cang tiah a ti. US spies nih biatak tein hlathlainak an tuah hi Republicans nih House majority an tlaih hnu in an kalpi mi asi. Wuhan in aa thawkmi asi hrimhrim ko timi fehternak an chuahpi dih tikah cun Dr.Fauci cungah action lak ding cu afak ngaingai lai.