Dr.Aung Myint Thang: Dididi, Dadada, Dedede tiin Pathian Chonh Khawh Asi Lo

Home

Rev. Dr. Aung Myint Thang nih Bible bia hrilhfiahnak atuahmi le Bible a hmuhning a kan hrawmh lengmang mi uar a um ngai ngai. Mah hi hi tuan deuh ah a kan hrawmh cangmi a si ko nain zumtu nih kan herhmi a si caah update kan vun tuah thanmi asi. Bible 1 Kor. 14: 2 – Zeicatiah holh i bia a chimmi nihcun minung sinah bia a chim a si lo i Pathian sinah a chim a si. Zeicatiah ahohmanh nih an hnga lo. Asinain a tlarau in biathil thup a chim. (For one who speaks in a tongue does not speak to men but to God; for no one understands, but in his spirit he speaks mysteries).

Minung sinah si loin Pathian sinah an chim a si: Glossa ticu “holh” tinak a si i “glossalila” ti cu “holh i holh” tinak a si. Asinain Thiang Thlarau nih a rak peekmi hna holh cu anmah holh kha a rak si lo i miphun dang holh kha a rak si caah, holh dang tiah acheu nih an leh nak kha a si. Cu miphun dang holh, an theih lomi holh i holh khawhnak a rak peek hna tikah an lak i a ummi hna nih khan an thei kho lo i Pathian he i chawnhnak ca lawng ah an rak hman.

Cucaah holh (miphun dang holh) in holh cu minung hna sin i bia chim nak caah a rak si lo i Pathian sin i bia chim nak caah an rak hman mi a si. Dididdadadudud ti in Pathian an rak chawnh tinak a si lo. Pathian le minung cu dididada duduhuhuhu tiin communicate ai tuah khomi an si lo.  Atuah holhtheihlo i a holh mi kan Laimi khi Pathian sinah zeidah na chimmi a si tiah hal hna hmanh uh, holhtheihlo i an chim zat khi Lai holh in an in chim kho hna lai lo. Anmah hmanh nih an chimmi a sullam an hngal lo. Zeicatiah holh a si lo. Thiang Thlarau nih a peekmi cu holh kha a si. Hla zong a si lo, holh kha a si. An lih lawnglawng in an in chimh khawh hna lai.

Pathian sinah biathli thup an chim: Midang hna theih awk ah a rak ttha lomi, mi dang hna caah theih a herh lomi kha Thiang Thlarau rianttuannak thawngin miphung dang holh, zapi nih an theih lomi holh, in Pathian sinah biathil thup cu an rak chim tinak a si. Dididdadahahahbububu tiin Pathian sinah biathil an chim tinak a si lo. Didididifafafhuhuhu tiin Pathian sinah biathli thup chim khawh a si lo. Zeicatiah sullam a ngeimi a si lo. Holh a si lo tiah a ti. updated

Note: Dailychinstar nih a thurhnawmmi hurduhcuainak phunphai tial aa tim lo. Tialmi thawngpang hi Mirang le holh dang dang tialmi chungin lehchinmi le public in tarmi timeline cheukhat an si. Ca reltu hna caah cherhchan/source rinhtlak asi lomi zeitikhmanh ah Dailychinstar nih lak aa tim lo. Cun thawngpang pakhat khat Website – Dailychinstar hmangin thlah na duh ah cun zeitik caan paoh ah free tein thlah piak khawh na si. Amahbel  pumpak, khua, tlang tbk midang ahnursuang khomi kan cohlang lai lo. Cun, suimilam 24 hrs hlanah Dailychinstar nih athlahmi thawngpang chungin mi zeihmanh nih copy paste tuah khawh asi lai lo. Na relmi thawngpang hna hi midang nih an rel khawh ve nak hnga share rak tuah ve.