Denmark Ram Khuasa Tta Far hna Pahnih Nih CNA caah 5500kr Ah Hlut

Home

To CC,CCDK ,Miphun hawi hna, Lunglawmhnak thawng kan in thanh hna . Denmark ram Sydjylland Region ,Skads khua ah a ummi, Pu Thla Peng le Pi Nawn Par ,Laithlang an Khua Hriphi hna i an fa le , Leng Van Ttha Sui ( Suisui ) Leng Ni Chin Sung ( Chinchin) Leng Ram Ttha Par ( Thatha ) le Vaal Ngun Ceu Awr ( ceuceu ) hna nih, Khua an ruah tikah kan ram le kan Miphun zalonnak ding caah rian attuan mi hna ,CNF/A Medical Team caah, Phaisa 5500 kr (thongnga le zanga ) bawmhnak an pek hna.

Suisui te Unau hi Sianginn a kai lio mi, Mino tete an si. Atu bantuk in, Ram le Miphun caah zawnruahnak le dawtnak lungthin nan ngeimi hi zochuntlak le cawnawktlak taktak nan si.CC nih Upatnak kan in pek hna nan cungah lunglawmhnak chim cawk lo kan ngei. Hmailei Sianginn nan kainak nan lamthluan ah kan Pathian nih thluachuahnak in pe ko hna seh. 2020 lio zongah CNF/A nu le hngakchia an rak bawm bal cang hna. A tangah an cakuat kan langh ter. Renhcung Rahatin

Upatmi CNF/A, Nan cungah daihnak le lawmhnak tlung ko seh. Denmark ram ummi keimah Ni Chin Sung le ka Unau hna nih nan kut kan in tlaih hna. Ram caah nan rianttuannak le nan thabatnak cu kan Biak kan Pathain nih thluachuah pe sehlaw, ramdaihnak ah ser ko seh. CNF/A nan rianttuannak cu Chinmi hna nih a theipar kan ei cang. Cucu ramthumnak kan phak le kan Chinram daihnak caah asi.

Pathain nih thluachuah a kan pekmi chungin ,Medical Team caah phaisa tlawm te kan in hrawm ve hna. Sianginn a kai liomi kan si caah duh in kan cawlcang kho lo. Nan rianttuannak tu ah Pathain nih hlawhtlinnak in pe hram ko hna seh. Lunglawmhnak he: Ni Chin Sung; Renh Cung. Sydjylland CC Chairman Esbjerg,