Delhi Myanmar Ralzaam Nu nih Kala Pa 4 nih An Ka Tlaihhrem Tiah Police Ahlen Hna
Aliamcia Feb.23 ah khan Rohingya ralzaam nu pakhat nih palek sinah kalin Rickshow driver minung 4 nih an ka tlaihhrem tiah palek sinah report atuah. Mah kong cu Delhi palek nih biatak tein hlathlainak an tuah colh. Palek bawi nih alanghter ning ahcun, Rohingya nu nih thil atoning kong achim tlawmpal ah zeitindah inn ah a lawi khawh than ning asi, aho nih dah a bawmh timi vialte kan hlat hnu ah achimnak motor lam le pawngkam lam vialte cu trace kan tuah dih.
Feb.24 ah Samosa changreu dawr ah a um ti hi CCTV ah tha tein kan hmuh. Cu kan hmuhnak cu cuhlan ah a rak um cianak a hawile inn pawng asi. CCTV in kan hmuhnak pawngkam 50km area chung vialte biatak tein kan hlat, rickshow driver 550 sinah biahalnak le hlathlainak kan tuah. Cu hlathlainak cu palek officer 30 nih team tampi ser in an hlat. Motor lam pawngah chiah mi CCTV 200 kan check dih I cu chugah zeihmanh tlaihhremnak nehnang kan hmu lo.
Cu caah minu cu tha tein bia kan hal than tikah thil asilo ning in palek sinah report a rak tuahmi kong cu a phuan dih tiah Palek officer nih a chim. Minu nih palek sinah a chim ningah cun a pasal he an I si, bia an I el ruang ah afa he khua an tli I, a hawile sinah zan hnih ariak. Mi inn ah zan hnih chung a riah cang ruangah Inn lei lawi than ding kha a ngamh ti lo. Cu ruangah alih le hrokhrol in Palek sinah rickshow driver pa 4 nih an ka tlaihhrem tiah a va chim hi asi. Cu vialte cu minu nih Lih a chim ti kha palek nih fiang tein an theih than. Minu nih lih in palek ahlen hna ruangah zeitindah palek nih action an la lai maw timi belte report nih langhter mi a nei rih lo.
Feb.28 ah TIO nih minu kong a tial ning ahcun- Delhi ah Myanmar ralzaam nu pakhat cu Delhi’s Kalindi Kunj area ah tlaihhrem a si tiah a ti. Nu hi pasal le fa he tha tein a um mi asi. Delhi palek nih an chim ningah cun, tlaihhrem atongmi nu hi ngakchiate fa a pomcawi lio mi asi i afanu ngakchiate damlo ruangah Southeast Delhi ah piah ding in a pasal he an kal hna. Cu an kalnak ahcun rickshow driver nih nu cu mahhngallo in atuah I minung um lonak hmundang ah a kalpi. Cuka hmun ahcun pa 4 nih an tlaihhrem hnu ah hmun pakhat ah an chiah I an kaltak tiah a ti. Palek nih misual hna cu IPC sections 365, 368, 376d,323, le 506 in case an ser piak hna tiah report nih a langhter. Hi thil acan hi Feb.23 ah asi nain palek sinah report an tuah hi Feb.25 ah asi tiah a ti.