Delhi ah Mizo Nungak Amah Hawile Nih An Thah Timi Thawngpang Fiang

Home

Delhi ah Mizo nungak Lalruatkimi,26, cu a hawile nih an thah tiah anmah Mizo thawngzamh nih an tial. Cu thawngpang cu Delhi khuasa Mizo fellowship ah a ummi zumhtlak asimi upa pakhat nih a chimning ahcun thah mi asi lo, Over dose (OD) in a thimi asi tiah a chim. Over dose hi sii thalo tamtuk an hman ruangah taksa nih celh lo ruangah a chuakmi thil asi. Mizo thawngzamh nih an tialmi cu atanglei ah Laihloh in lehmi-

Delhi Ah A Umi Kan Unau Nu Cu A Miphun Hawi Lila Nih An Thah!!! Lalruatkimi kum 26, Pu Chhuansanga fanu(Thingsulthliah khua mi) a hnu ah Thenzawl Field vengah a pem cang mi cu zahan 13 septembar 2022 zanlei ah khan Delhi a inn hlannak ah Mizoram mi,a mah tangka a battu hna nih thi lak in an vuak tiah theih a si.

Thawng kan theihning ahcun,Delhi a um ve mi a hawi le nih cun, Lalruatkimi cu a tangka an bat piak i,an leiba ai ah thilri an peek ,cu an peek ko cang mi cu an chuhpiak tthan i,a nih nih cun,tangka nan ngei ko ttung le tangka tu in ka pe ko ne uh a ti hna,cu le cangka Kimi cu an hro cawlh i,sizung ah na um duh maw,kan in vuak lai le na cei ko lai an ti.

Cuticun zahan zanlei suimilam 2:00pm hrawng ah khan Nu nih a pa A pa Pu.chhuansanga hi phone in a chonh,ka pa kha mi hna kha an ra tthan le ka ttihtuk hna ,pa an van ihruai hna le tiah a pa cu a chimh.Cu ti a pa a cihionh hnu cun zeithawng hmanh theh a s ti lo.H hnu ah hiin a hawi le nih cun a mah te in ai awk tiin police sinah an theihter.Asinain a ruak an van zohtik ahcun,a hnar le a ka in thisen a chuak mi cu a thih hnu tiang a thi cu a chuak peng.

Lan theih ning ahcun,Hi mi sual hna hi Delhi police hna nih an tleih cang hna,an ti.Lalruatkimi ruak hi,Mizoram , Thenzawl ah an phurh lai.Mah le mah hibantuk ruang hna i i thah hi cu a poi hringhran ko,tantak mii,Bawipa nih hnem ko hnaseh. TDT