Debate ah Biafak fak In Kan I Ti Len Zongah Kan Thinhung Lo

Home

TRINITY VS ONENESS DEBATE NIH A CHUAH PI MI TTHATHNEMNAK- Oneness kan unua hna nih zeitluk in dah Baibal bia hi an nawnnok ti kha kan hmuh khawh. Pa le Fapa tiah Baibal nih fiangtein a tthen komi kha an nawnnok i pahnih kha pakhat ah an chuah, Jesuh le Thiang Thlarau kha an nawnnok tthan i pahnih kha pakhat ah an chuah le Jesuh hi Thiang Thlarau asi an ti.

Cun, Jesuh nih Pa le Fapa le Thiang Thlarau min in tipil va pe uh a ti ko mi kha Baibal dang ah Jesuh chim ning tein an peek ko timi hi a um loh tiah an nawnnok tthan le Jesuh min lawng in an peek mi kha kan i fiang cikcek.

Kan mah Trinity le Oneness kanmah le kanmah Baibal ai el ko i mi dang caah hnahnawhnak a pe lomi kong ah mi cheukhat cu nan rak vuivai, nan rak tlawkciar cio hna le Laimi lakah mi tlokciarmi pawl kha fiang tein kan in theih khawh hna . Cucu kan i chapmi asi tthan.

Nanmah pawl nihhin kan biaruahnak nan rak nawnnok ve hoi. Bia fakfak zongin kan i debate ko nain thinhungmi kan um lo mi zonghi Pathian fa kan sinak le nunning kan i chap nak a langh tertu asi tthan. AMT

Ralhrang Thluk Awk Ah NUG nih An Nei Rih Lomi Political Philosophy- Hi Political Philosophy hi Ralhrang kan thluk lawng si loin MAH kan TEI Hnu pin lei ah NUG nih rampi cu tluang tein le ṭha tein kan uk khawh nak lai a herh mi Theory le Political Ideology an si. A tu ning tein kan kal ahcun: MAH nih tei lo, kanmah mipi nih tei loin, kawhra buhhrulh / chumhrulh mi / a hmin khawh ti lomi, kan hluan khawh. Apoi bik mi cu NUG hruainak tang ah kawlram hmunkip ah ral kan thawh khawh lomi hi asi.

Chinland le Karenni ah kan tei ah ral a dih ti asi lo. Ral dih awk ah, Rangoon, Mandalay le Nipidaw ah Rallokap kan ṭhawlh dih hna a herh. Kawl khualipi vialte zong in kan dawi pet hna a herh, MAH le Ralhrang Rallokap hi Communist Tupung dirhhmun an hluan tiang in Ramlak ah dawi an herh. Cucu kan ti khawh lai tiah nan ti cio ko lo maw? Na zumh lo ahcun: Kan in ngawl lai maw, a ngamh mi lawng nih maw kan doh rih lai? Tu Bantukin maw CHIN le Karenni lawng in fak pi in kan doh rih lai? Kawlte telloin maw, Tlangcungmi lawng tein maw nan kan doh ter rih lai? Options? Ruah len awk????

MAH te Ralhrang adoh cuahmah mi hi Chinland, Karenni, Karen, Kachin le PDFs (Chinland le Kachin ramri um mi, CNA le KIA nih kan bawmh mi) lawng kan si. AA le UWSA hi Paucan Dohthlennak ah luphum in Raldoh ve awk ah NUG nih nan sawm hna a herh. Nan sawm khawh lo ahcun: MAH a doh cuahmah tu hna hi hriamnam chambau loin nan kan bawmh a herh. NUG nih a pahnih in nan tuah khawh lo ahcun: Lamdang in kal a herh lai. Zumhtlak mi bu / ram hna nih tlangtla a herh cang lai. Lam (4) kan hmuhsak hna. Pakhatkhat cu NUG le mipi nih kan I thimh hrimhrim a herh ve lai.

Lam (4) aum mi lak ah pakhat hmanh kan tlinter khawh lo ahcun: Kawlram buaibai nak cu a ngawr mi pa / nu Bantukin a chansau tuk cang lai. Hi hnu kum 70 leng tiang a phan khawh mi asi. Rallokap siseh, Mipi le NUG siseh, kanmah lei lawng ah tihnah luang ter kan duh I, kanmah sovo lian ter lawng kan duh (NUG le Bawmhtu dang vialte nih lam 4 lakah Pakhat tal kan hlawhtlin ter lo ahcun): Rallokap nih buaibai nak an san ter chin lai, mipi cu fak deuh in an doh hna lai, an hrem hna lai, an tlaih hna lai, an chuh hna lai, an hlawnthil an fir lai, an innlo an duah lai, tbk mipi an intuar ding mi hi tuak le ruat ngam asi lo.

A tumsuk tuk lawmmam I, khua sik sem a chuak ko Laitlai Unau hna. Ralhrang he khuasa zungzal kan si cang lai Mipi cu: Chuaknak lam (4) ah pakhat tal kan I thim lo ahcun: Ralzam le tirawl Eidin an ngeih lo mi relcawklo kan si lai. ASEAN in MAH nih ka bawmh hna lai ati nain, Rallokap le USDP minung, Piosawṭhi khua tbk lawng an bawmh te hna lai. India le Thai ramri lawnh in bawmhnak cu MAH nih a khap fawn. Ralzam le harsat ah Vawleipi a harbik mi kan si te lai. Kan tuanbia zoh ṭhan tikah: Uktu ngeih lo Bantukin ram ui vekin mipi kan vaivuan dih te lai. Failed State timi sungzatlak nak ram timi in kan in hlihphuah khawh ti lai lo.

Cucaah, hlan lio bang in (DDay hlan), International, UN, American, EU, UK, Scandinavians tbk le NATO ram tiang in Paucan Dohthlennak ah I tel khawh ṭhan ding in chimhrel ṭhan a herh. ASEAN le MAH cu an ṭial aakhat mi an si caah Zumhtlak an si lo. American le Nitlak ram hna nih tampi kan au pi hna seh, Humanitarian tal in mi harsat an kan bawmh khawh phum hnga maw tiah, Fimcawnnak tal in an ram ah kan fanau le an kan cawn ter khawh hna hnga maw. NUG nih arannak in hi hi ṭuanvo lak a herh tuk.

Kawlram ah Daihnak (PEACE) um cang seh tiah a duh mi ram hna kha tawn in sawm ding an si lai. Tcn: USA, Tuluk, Thai le ASEAN. DASSK telin EAOs le aa telding vialte I telin, biaruahnak kha a hlawhtlin khawh nak hnga hmalak a herh. NUG, UG, PDF, LDF, CDF, CNDF tbk in kan in tel dih a herh. Tawn biaruahnak ngeih buin, rampi zeitindah kan hruai lai timi ceihhmai pah khawh asi. MAH duh mi vialte kan zulh lai tinak asi lo.

Ralzam le Mi harsa tal kan chanh khawh hna lai. Mipi kan duh mi cu NUG nih biaruahnak ah a lutpi khawh lo, MAH nih a cohlan khawh lo asi ahcun: MAH kan thluk tikah fawi tein rampi kan uk khawh nak lai a hram thlak cia asi caah: Biaruahnak hi a lak asi bal lai lo. NUG le Ramdang, Vawleipi pehtlaih nak ah an kan bawmh ding mi cu ASEAN, Nitlakram, American, Tuluk tbk he Remdaihnak sertu Committee dirh a herh hnga. NUCC nih an chuahpi ding mi Federal Charter cu Rallokap nih an cohlan lo ahcun: MAH nih Federal Charter cu Legitimacy le recognize a tuah nak hnga, kan in sawm mi ram hna nih heh chet tiah an chimhrel ve lai. MAH le Rallokap kha pressure an pek lai.

Humanitarian timi mi harsa bawmhnak caah Ngunsawm relcawklo a herh. An kan bawmhtu ram hna nih biatak tein an chimrel lai, donor an si lai, NUG nih Raldohnak lawng a papek khawh ve cang lai (Biaruahnak asinpi lo in, Federal Charter an cohlan lo ahcun): UN le anmah Agencies, Ramdang le an ngeih mi Agencies te hna nih an au pah lai, Ngunsawm an kan pek pah lai, NUG caah ral zong TEI, mi harsa zong chanchuah khawh asi lai. Voi khat in rian hnih I lim cia asi cang lai.

Kawlram Rallokap hi Afghan ralkap bangin an zapi tein thluk dih; thah dih timi cu; thil fawi asi lo. Theory le ahmun ah thilsing nih a pe lo. Nipidaw kan lak khawh hmanh ah, Rallokap ningpi in atluk riangmang cang ti awk a har ngai. Tawn biaruahnak kan ngei thawng in MAH le Rallokap bawi rual he an ruahnak aa khat lomi Ralbawi tampi kan sin ah an I fawn te lai. Miaknak le Ṭhutdan duh ah ara mi Rallokap bawi zong an tam tuk te lai.

MAH le Ralhrang Rallokap hi an ning pi tein kan thluk hna zong ah tluang tein thil a kal dih lai, Kawlram cu dindaihnak in a khat dih colh lai, hmakhat te ah tiah nan ruah sual ahcun apoi tak lai. Bianabia: MAH nih Anaa ka lak lai, NLD upa le DASSK ka tlaih hna lai I adih lai tiah a ruah. CRPH, NUG, NUCC, PDF LDF tampi an hung pawt. 2003 ah American nih Saddam Husein Iraq ralkap cu an hrawk dih cikcek. Nain ISIS in let 7 sual deuh in an hung pawt ai. MAH te Rallokap hi Phungki he aa kawp ngai mi an si caah, Buddhism mission he fonh in Tlangcung mi thah awk ah Buda ISIS an um khawh ve. MAH hi kan tei ahcun, Tupung le Biaknak fonh in ral a thawh hrim hrim.

Ralhrang cu an buin kan thlak khawh hna tikah an ai awh ah a Dotla mi ralkapbu si khawh ding ah a herh. Hriamtlai bu vialte an I tel mi, an I tel khawh lo ahcun, anmah vialte nih mandate an tuah mi Ralkapbu ngei cia le ngeih colh a herh lai. NUG nih tuahmi Federal Army muisam in cun asi khawh ding asi lo. AA nih an cohlan bal lai lo. EAOs nih an cohlan fawn lailo. Cucaah NUG Federal Army hi Ralhrang thluk hnu ah rampi ai awh khawh tu ding Ralkapbu asi lo ahcun: atu tein muisam le policy dang in thlen ding asi ve. Arannak in NUG nih hmalak ding mi asi fawn.

NUG nih Ramkhel le raldohnak he biatak tein le tluang tein an kan kuri khawh a herh. Bawmh nak le pekchan nak zong dongcat lo tein; can hman tein, a can lio te ah; khulnuar lo tein; marzam tein; an ngeih khawh zungzal a herh ngaingai. Online le zoom meeting, Statements lawng in I za lo a biapi ngai cang. Mipi tam deuh le Rallokap nih: PDF LDF cu hriamnam chiah hna seh ti hi an duh deuh cang, an holh ngam lo I asi, Dalaan ti lai an duh lo caah asi.

Hlan lio bang in NUG an zumh ti lo, an bochan ngam ti lo caah asi. Bawmhnak phaisa tampi an vaivuan mi le meithal an cawk piak khawh hna lo, CDMer hna an bawmh khawh hna lo, an harsa tuk lawmmam, tbk vialte ruang ah mipi lungthin ah, hlan lio Bantukin, NUG a um ti lo. Kanpi Suu hi MAH nih thlah sehlaw, bia I ruah hna sehlaw, Hlanlio cozah bantuk kha I ser seh timi cu: Kawlte tam deuh le an hruaitu hna duhning cu asi. Tlangcung mi caah cun Cakei le rul siivai bak an si ve lai.

Rallokap bawi reng niam deuh mi hna tu cu: NUG nih TEINAK hmuh le cang ka in, Mipi sin ah I fonh in rengsang an I ruah chan ve. Chuak an duh nain, a si khawh lo mi a ruang tampi aum caah asiko. Federal Army pi asi tikah Rallokap 1/3 cu an I fonh ko lai. MAH le Ralbawi zik hna belte Tupung le Buda ISIS an si te lai. Phaisa an rum caah Binladen bangin mithah Lainawng rian an hlawhtlin ngai te lai. Buda ISIS cu MAH te biak mi Phungki rual nih an hruai te lai.

Kan raldohnak hi kan tei lailo ka ti nak asi lo. Lam (4) kan hmuhsak hna. NUG le mipi nih kan hlawhtlin ter dih ah cun YES. Azapi tein asi khawh lo hmanh ah; Option pakhat tal cu hlawhtlin ter bak a herh. Agenda chuahpi mi (4) lakah pakhat hmanh kan tlinter khawh lo ahcun; ka capar ning le ruahnak kan cheuh hna bangin kal ah a ṭhabik timi Saduhthah nak asi. Mi le bu kha soisel in thachiatnak capar asi lo. Paucan Tlangcung Cawnpiak nak hei ti ko. ZTC