De Ridder: Aung La Sang hi Ka Celebrity Crush asi (VIDEO)

dailychin

Thaizing May,5 (ET) ONE:Championship Fight Night 10 ah Aung La he De Ridder he aa thong ding an si. Aung La le Ridder cu hmunkhat te ah tonnak an nei i nuam ngaiin bia an iruah. Aung La nih Ridder cu biahalnak a tuah. Aung La nih ahal mi cu, Ahodah na Celebrety Crush asi tiah a ti i, Ridder nih Aung La Sang tiah ti colh. Ridder nih hin Aung La hi a uar hrimhrim, Ridder lawng asi lo, midang MMA fighters dang zong nih Aung La hi an uar tuk cio. An timi cu, Aung La cu zoh ah mit tha a dam, amah hrimhrim khi mitha asi, zohchuntlak asi tiah an ti. video zohnak

Tutan ONE Fight Night 10, May 5, ah Aung La he De Ridder he kan hmuh than hna lai. Mah zan ah hin Aung La he Ridder he Octagon cungah an kai veve ko lai nain an opponent tu an I dang. Aung La hi Fan Rong he an ithong lai I, De Ridder hi Elite Brazilian Jiu-Jitsu black belt  Tye Ruatolo he an ithua ve lai. Aung La le Fan Rong hi MMA an si lai i, tutan ah Ridder le Tye tu hi MMA si loin Submission grapping a si. Submission grapping hi cu kut le ke merh phun khi asi tihnung ngai.

De Ridder hi grapping lei ah a thiam ngaimi asi. Aung La voihnih ning tein a teinak zong kha grapping arak thiam caah asi. Tutan ONE Fight Night 10 hi zoh nuam dingmi adang pakhat Rodtang a um rih. Rodtang hi Muay Thai ah amah teitu ahohmanh an um rih lo. Tutan hi Edgar Tabres he an ithua lai. Cun adang pakhat a um rih I, Demetrious Johnson asi. MMA ahcun thiam bak, zohnuam bak mi asi ve. Rodtang le D.Johnson nih hin Champion Belt an iputmi an ven lai. OFN hi zeitik ah dah an thawk lai timi suimilam caan tete kan langhter lai-

    • Myanmar 6:30am=8pm Friday, ET
    • India 5:30am Sat India= 8pm Friday, ET
    • Malaysia 8am= 8pm Friday, ET

TCP- Kaphnih Kahdohnak Um Lo In SAC Ralkap Nih Minkin Peng Ah Bomb An Thlak Caah Ngakchia Telh In Mi 6 Nunnak Liam. Sagaing ramṭhen, Minkin peng Pihkaya(ပိက္ခရား) khua cu SAC ralkap nih kaphnih kar kahdohnak um lo in vanlawng in bomb thlaknak a tuah caah tualchung mi an nunnak a liam tiah theih a si. May 4, chunhnu suimilam 1:00 hrawng ah vanlawng 1 nih ngiatthlainak a tuah i a dang vanlawng pakhat nih bomb a thlak, cu hnu minutes tlampal a rau ah a dang vanlawng pakhat nih kahdohnak a tuah tiah theih a si.

” Sianginn le phungki sianginn pawnghrawng cu vanlawng in voi thum tiang kahdohnak an tuah, voi khatnak ral tuknak vanlawng nih bomb a thlak ah khuami hna cu an zaam manh caah nunnak liam mi zong an tamtuk lo nak asi. SAC ralkap nih jet fighter hmang in bomb a thlak ruang ah nunnak liam mi hna chung in ngakchia le tar zong an i tel” tiah Minkin battalion 5 in ralkap Ai Oo nih a chim.

Nunnak liam mi hna chung ah kum 12 tang ngakchia zong an i tel i, an min le an sining dikthlir cu taan takmi an chungkhar himnak caah langhter a ngah rih lo tiah a chim. SAC ralkap nih van lei kahdohnak a tuah ruang ah suaknak ngei lo tualchung mi 3 cu hmakhat te ah an nunnak a liam i, adang 3 cu hliamhma fak an tuar hnu ah an nunnak a liam. Cu pin ah hliamhma fak a tuar mi 15 an um i an nun humhimnak caah thinphang an si ko tiah theih a si.

Tutan ah SAC ralkap nih van lei kahdohnak a tuahnak hmun hi Pihkaya khua a si i, cu ka khua in meters 100 aa hlatnak ah pyusawhti tampi an umnak Ma Oo khua a um. Ma Oo khua cu tualchung hriamtlai phu nih atu le atu kahdohnak an tuah lengmang hna caah, cu ka khua he aa naihnak khua hna cu SAC ralkap nih atu bantuk in van lei kahdohnak an tuah hi a si kho tiah ralkap Ai Oo nih cun a chim.