CNDF Pasaltha 2 Nih Nunnak An Pek

dailychin Home

15.3.2023 ,Sawm loh mittui a tluang leh ta..Ram hmangaihtu MIPUI SIPAI CNDF Zarni Aung leh David Han chu ram leh hnam tan an nun na an hlan, .. RIP –ZP

(Kan theih bantukin atu hi Kalay leiin a rakai mi ralhrang hna cu Falam peng chungah pasaltha hna nih lam an kham cuahmah lio hna asi. Nizan tihni in CDF-Syim nih an kah cang hna i, nizan thawk in CNDF le CNA nih Zawnglei le Htin Shuu karah an kah hna. Thawngpang theih ning ahcun ralhrang minung 13 hrawng an thi i, hliamtuar an tam lai zumh asi tiah an ti).

The Rihli Voice- Falam pan ih a so tu ralhrang motor CNDF ih bomb an pah ruangah a sop in a siat, Kaam thei nawn lo in a hmun ah an riak, kahawknak sungah thi le hriam an um. March ni 9 ih Kalay khawpi ihsin Chin ramkulh lam eiin le ralthuam pawl phurh aw dingih hungso tu SAC ralhrang pawl cu Chin mipi ralkap pawl in zintluan ah bomb thawn an rak puah vivo ruangah thi le hriam naa zet ih an um thu theih a si. SAC ralhrang pawl cu March ni 13 ah Tedim peng ihsin Falam peng an ra lut thok ih CNDF pawl in Mualkak le Zawnglei karlak ah bomb 8 thawn an rak hmuak ih ralhrang minung pahnih thi in hriam ngah tampi an um thu theih asi. Curuangah hriam a ngahtu ralhrang pawl tuam hlawm aw dingin Zawilei ah thim zawngin an lut ih um hmun an khuar cih.

Cuvek thotho in SAC ralhrang pawl cu an tum ram, Falam lam pan in March ni 14 ah an pok sal ih Zawnglei le HtinShuu Sakhan karlak ah CNDF pawl ih bomb kamnak hmun hnih sung an luh fel ihsin mipi ralkap pawl in bomb an dir puak leh ih Ke 12 motor pi pakhat le Skart motor pakhat a sopsiat theh tiah theih a si. Ralhrang lam in motor siat le hriam ngah an tam ruangah a hmun ah an riak cih. Cui’tlunah March ni 14 sun ih kahawknak ruangah SAC ralhrang lam in a mal bik ralhrang 13 an thi tiah ralram ih thuthang hram pawl hnen in theih a si.

Hi thu pawl thawn pehpar in CNO/CNDF General Secretary Salai William Chin in, “Mizan lam ihsin kan miphun ralkap CNDF le ralhrang SAC pawl Kalay le Falam karlak ah nasa ten an kapaw rero. Zumtu unau pawl thlacamnak zarah kan miphun ralkap CNDF lam an him ṭheh ih, ralhrang ralkap pawl thi-hlo le hriamtuar an tam zet. Curuangah mipi an hmuhmi pohpoh parah nasaten an cangvai thei ruangah Kalay-Falam lamzinpi zohman zawh hrih lo dingin kan lo theihter. Pehzom in nasaten thlacamnak thawn rak ṭang cio uh” tiah a social media cahmai ah a tarlang.

SAC ralhrang pawl cu March ni 10 sun khal ah Bakan le Taingen karlak ah mipi ralkap a si mi PDF Zoland, CDF-CDM Siyin le MEDF pawl in bomb thawn an rak do ih a malbik ralhrang 6 thi in hriamhma ngah tampi an um ruangah March 11 ah Falam peng Varung khawsung ah lut in inn pawl an bauh ih mipi thil ri an ruk hlei ah innzuat tilva pawl an that ih an ei thu theih a si.